દરરોજ પ થી ૬ હજાર સફરજનની પેટી ઠલવાય છે : કિલોનો ભાવ રૂ.૧૦૦
રાજકોટ અને ગોંડલ માર્કેટિંગ યાર્ડ વિવિધ જણસીની આવકમાં મોખરે રહે છે. સમગ્ર સૌરાષ્ટ્રમાંથી ખેડૂતો પોતાનો પાક વેચવા રાજકોટ તથા ગોંડલ માર્કેટિંગ યાર્ડને પ્રથમ પસંદગી આપતા હોય છે. તેવી જ રીતે ફ્રુટમાં પણ રાજકોટ અને ગોંડલ માર્કેટિંગ યાર્ડને પસંદગી કરે છે. રાજકોટ ફુટ બજારમાં રોજની ૩ થી ૪ ગાડીઓમાં આશરે ૪ હજાર પેટીની તથા ગોંડલ માર્કેટિંગ યાર્ડમાં સફરજનની વિપુલ પ્રમાણમાં આવક નોંધાઈ હતી.
સૌરાષ્ટ્રનું અગ્રીમ ગણાતા ગોંડલ માર્કેટિંગ યાર્ડમાં વિવિધ જણસીની આવકમાં મોખરે રહે છે. સમગ્ર સૌરાષ્ટ્રમાંથી ખેડૂતો પોતાનો પાક વેચવા ગોંડલ માર્કેટિંગ યાર્ડને પ્રથમ પસંદગી આપતા હોય છે. તેવી જ રીતે ફ્રુટમાં પણ ગોંડલ માર્કેટિંગ યાર્ડ સમગ્ર ગુજરાતમાં પ્રથમ નંબરે આવે છે. ત્યારે ગોંડલ માર્કેટિંગ યાર્ડમાં સફરજનની વિપુલ પ્રમાણમાં આવક નોંધાઈ હતી.
સમગ્ર ગુજરાતમાં ગોંડલ ફ્રુટ અને શાકભાજી માર્કેટયાર્ડમાં સિઝન પ્રમાણે વિવિધ ફળોની પુષ્કળ આવક જોવા મળતી હોય છે. ત્યારે કાશ્મીર, શ્રીનગર અને જમ્મુ માંથી દરરોજ ગોંડલ માર્કેટિંગ યાર્ડમાં 5 થી 6 હજાર પેટી કાશ્મીર ડીલીસન સફરજનની આવક જોવા મળે છે ત્યારે માર્કેટિંગ યાર્ડમાં કેસર કેરી, તરબૂચ, સફરજન, અંગુર, માલતા, ડ્રેગન, સંતરા, જામફળ સહિતના ફળો ની વિપુલ પ્રમાણમાં આવક નોંધતી હોય છે. આજરોજ માર્કેટિંગ યાર્ડમાં 5 થી 6 હજાર પેટી સફરજનની આવક નોંધાઈ હતી. ત્યારે હરરાજીમાં સફરજન ના મધ્યમ માલના 1 કિલો ના ભાવ 30 થી 55 રૂપિયા સુધીના બોલાયા હતા અને સારા માલ ના 1 કિલોના ભાવ 70 થી 90 સુધીના બોલાયા હતા.
જે ગત વર્ષ કરતા ત્રણ ગણા ભાવ હરરાજીમાં ખેડૂતોને મળ્યા હતા.રાજકોટ ફુટ બજારના વેપારી અજયભાઈના જણાવ્યા પ્રમાણે રાજકોટની ફુટ બજારમાં હોલસેલના ભાવે ૧ કિલો સફરજન રૂપિયા ૨૦થી ૧૦૦ના ભાવે વેચાણ થઈ રહ્યું છે આમ ખેડુતોને સારા ભાવ મળી રહ્યા છે.
સફરજનની આવકમાં ગોંડલ યાર્ડ નંબર વન
માર્કેટિંગ યાર્ડના ચેરમેન અલ્પેશભાઈ ઢોલરીયા જણાવ્યું હતું કે ગોંડલ માર્કેટિંગ યાર્ડ વિવિધ જણસીની આવકોથી ઉભરાતું હોય છે જેનું મુખ્ય કારણ એ છે કે ગોંડલ માર્કેટિંગ યાર્ડમાં ખેડૂતોને પોતાના પાના સારા ભાવ મળે છે. યાર્ડમાં દરરોજ ફળોની આવક થતી હોય છે. સમગ્ર ગુજરાતમાં સફરજનની આવક ગોંડલ માર્કેટિંગ યાર્ડમાં સૌથી વધુ થતી હોય છે. સમગ્ર સૌરાષ્ટ્રની અંદર સફરજન વેચાતા હોય છે તે ગોંડલ માર્કેટિંગ યાર્ડમાંથી જ વેચાણ થતું હોય છે.
