- પોલીસે રૂ. 3.57 લાખ રોકડા અને 13 મોબાઇલ સહિત રૂ. 4.22 લાખનો મુદ્દામાલ જપ્ત કર્યો
- સાણંદ,મૂળી,રતનપર,રાજસ્થાન,હળવદ,પાટણ,માળિયા,રાજકોટ અને ગાંધીધામ સહિતના શખ્સો
- ચોકકસ બાતમીના આધારે જિલ્લા પોલીસની ટીમે બાતમીવાળી જગ્યાએ રેડ કરી
સુરેન્દ્રનગર જિલ્લાના લખતર તાલુકાના વણા ગામના રામજી મંદિર પાસેના રહેણાકના મકાનમાં મોટાપાયે અલગ-અલગ જગ્યાએથી જુગારીઓને બોલાવી રોકડ રૂપીયાની હારજીતનો જુગાર રમતા હોવાની ચોકકસ બાતમીના આધારે જિલ્લા પોલીસ વડા ગીરીશ પંડયાના માર્ગદર્શન હેઠળ લખતર પીએસઆઇ એન.એ.ડાભી સહિતની પોલીસની ટીમે બાતમીવાળી જગ્યાએ રેડ કરી હતી. રેડ દરમ્યાન પોલીસે ટેબલ ખુરશીઓ ઉપર આરામથી બેસીને ગંજીપાનાનો જુગાર રમતા સુરેન્દ્રનગર જિલ્લા પંચાયતના ભાજપના સદસ્ય અમથુભાઇ સહિત 21 શખ્સોને ઝડપી લીધા હતા. જ્યારે બે શખ્સો હાજર મળી આવ્યા ન હતા. પોલીસે ગુજરાતના અલગ-અલગ જિલ્લા અને રાજસ્થાનના પણ જુગાર રમતા 21 શખ્સોને સ્થળ પરથી ઝડપી લીધા હતા. સુરેન્દ્રનગર જિલ્લા પંચાયતના ભાજપના નેતા સાથે ઝડપાયેલુ જુગાર ધામ ભાજપ નેતાની છત્રછાયામાં જ ચાલતુ હોવાનો ગણગણાટ ચાલીરહયો છે. આ ઝડપાયેલા શખ્સો પાસેથી રૂપિયા 3,57,400 રોકડા, 13 મોબાઇલ કિંમત રૂપિયા 48,500, બે ટેબલ રૂ. 4000, 12 ખુરશી રૂ. 12000 અને 9 ટુલ સહિત કુલ 4,22,800 રૂપિયાનો મુદમાલ જપ્ત કર્યો હતો. આ બાબતની આગળની તપાસ લખતર પોલીસે હાથ ધરી છે.
અલગ-અલગ વિસ્તારનાં 23 સામે પોલીસ ફરિયાદ
હરપાલસીહ અરવિંદસિંહ રાણા(રહે.વણા), ફીરોજ નીજારએલી ગીલાણી(રહે.સાણંદ), દીલાવરસીહ હારીતસીહ રાણા(રહે.વણા), ઓમદેવસીહ હરપાલસીહ રાણા(રહે.સુરેન્દ્રનગર), અશરફ મામદભાઇ પીઠડીયા(રહે.ઉપલેટા), અમથુભાઇ દેવજીભાઇ(રહે.ખેરાળી), રોહીતસીહ હરૂભા રાણા(રહે.ગાંધીધામ), દીલીપભાઇ બાબુલાલ ચંચા(રહે.રાજકોટ), દેવીલાલ કચરાભાઇ પટેલ(રહે.રાજસ્થાન), ભાવેશભાઇ કોસીયા(રહે.સુરેન્દ્રનગર), ધીરજલાલ ચુનીલાલ વ્યાસ(રહે.હળવદ), સંજયભાઇ નગીનદાસ શાહ(રહે.સુરેન્દ્રનગર), સબીરભાઇ કેશરભાઇ કટીયા(રહે.માળીયા), ઘનશ્યામભાઇ જેઠાભાઇ(રહે.સુરત), સુરેશ શીવાભાઇ પટેલ(રહે.પાટણ), મનોજ મહેન્દ્રભાઇ ગણાત્રા(રહે.રાજકોટ), મનોજ મંજાજી પટેલ(રહે.ઉદેપુર), વિપુલભાઇ નટવરભાઇ સરેરીયા(રહે.રતનપર), રાજેશભાઇ રઘુવીરભાઇ ત્રિવેદી(રહે.મુળી), દેવેન્દ્રસિંહ વિક્રમસિંહ પરમાર(રહે.રતનપર), વિષ્ણુસિંહ જોરૂભા પરમાર(રહે.રતનપર) સહિતના ઝડપાયા છે. જ્યારે દુષ્યંતસિંહ હરપાલસિંહ રાણા, દીકુભા મુકેશસીહ રાણા( બંને રહે.વણા) સ્થળ પર હાજર મળી આવ્યા ન હતા.
