- 351 કરોડ મામલે પહેલી પ્રતિક્રિયા
- કોંગ્રેસ કે વિપક્ષી પાર્ટીની રકમ હોવાનો સાહુનો ઈનકાર
- જપ્ત થયેલી રકમને પોતાના પરિવારની રકમ ગણાવી
કોંગ્રેસના રાજ્યસભા સાંસદ ધીરજ સાહુએ તેમના ઘરે ED ની રેડ દરમિયાન મળી આવેલી 350 કરોડ રૂપિયાથી વધુની રોકડ મામલે પહેલી પ્રતિક્રિયા આપી છે. તેમણે કહ્યું કે આ મારા પૈસા નથી અને કોંગ્રેસ કે પછી અન્ય કોઈ પણ વિપક્ષી પાર્ટીની આ રકમ સાથે કોઈ લેવાદેવા નથી.
આવકવેરા વિભાગના દરોડા અંગે ન્યૂઝ એજન્સી ANI સાથે વાત કરતી વખતે તેમણે કહ્યું, “જે પૈસા કબજે કરવામાં આવ્યા છે તેમાં કોંગ્રેસ અથવા અન્ય કોઈ વિપક્ષી પાર્ટીના પૈસા નથી.” તેમને બિનજરૂરી રીતે બદનામ કરવાનો પ્રયાસ કરવામાં આવી રહ્યો છે.
ધીરજ સાહુએ કહ્યું કે, મારે આ પૈસા સાથે કોઈ લેવાદેવા નથી. આ મારા પરિવારના પૈસા છે. અમારો પરિવાર ઘણો મોટો છે તેથી આ પૈસા તેમના છે. હજુ સુધી, આવકવેરા પક્ષ તરફથી એવું કહેવામાં આવ્યું નથી કે આ નાણાં ગેરકાયદેસર છે. આવી સ્થિતિમાં આ પૈસા વિશે કંઈપણ કહેવું વહેલું ગણાશે. વાસ્તવમાં, ITએ તેમના પરિવારની માલિકીની ઓડિશાની દારૂની કંપની સામેની કાર્યવાહીના ભાગરૂપે ધીરજ સાહુના રાંચીમાં આવેલા નિવાસસ્થાને દરોડા પાડ્યા હતા. આઈટીએ જે જગ્યાએ દરોડા પાડ્યા તે સાહુનું સંયુક્ત કુટુંબનું રહેઠાણ છે. જેમાં ITએ 350 કરોડથી વધુની વસૂલાત કરી છે. ,
ધીરજ સાહુએ શું કહ્યું?
ધીરજ સાહુએ કહ્યું, “આજે જે થઈ રહ્યું છે તે મને દુઃખી કરે છે. હું સ્વીકારી શકું છું કે જે પૈસા વસૂલવામાં આવ્યા છે તે મારી પેઢીના છે. જે રોકડ રિકવર કરવામાં આવી છે તે મારી લિકર ફર્મની છે. આ પૈસા મારા નથી, તે મારા પરિવારના છે. કુટુંબ અને અન્ય સંબંધિત કંપનીઓની રકમ છે. ITએ હમણાં જ દરોડા પાડ્યા છે. જેથી હમણાં હું નહીં કઈં બોલું, પરંતુ હું દરેક વસ્તુનો હિસાબ આપીશ.”
પીએમ મોદીએ નિશાન સાધ્યું હતું
વડાપ્રધાન નરેન્દ્ર મોદીએ પણ આ દરોડા પર પ્રતિક્રિયા આપી હતી અને કોંગ્રેસ પર નિશાન સાધ્યું હતું. પીએમ મોદીએ ટ્વિટર પર કહ્યું હતું કે, “દેશવાસીઓએ આ કરન્સી નોટોના ઢગલા પર નજર નાખવી જોઈએ અને પછી તેમના નેતાઓના પ્રામાણિક ‘ભાષણો’ સાંભળવા જોઈએ… જનતા પાસેથી જે લૂંટાઈ છે તેનો એક-એક પૈસો પાછો આપવો પડશે, આ મોદીની ગેરંટી છે.”
શું છે મામલો?
આવકવેરા વિભાગે આ દરોડા ભુવનેશ્વરના મુખ્યમથકની કંપની બુદ્ધિસ્ટ ડિસ્ટિલરી પ્રાઈવેટ લિમિટેડ (BDPL) પર પાડ્યા હતા. કંપનીની કથિત કરચોરી સામે આઇટીએ કાર્યવાહી શરૂ કરી હોવાનું કહેવાય છે. આ કંપનીનો પ્રમોટર સાહુનો પરિવાર છે.
