- IPL 2024ની હરાજી 19 ડિસેમ્બરે દુબઈમાં યોજાશે
- ખેલાડીઓ પર લગાવવામાં આવી શકે છે કરોડોની બોલી
- ન્યૂઝીલેન્ડના યુવા ખેલાડી રચિન રવિન્દ્ર ટીમોની નજર રહેશે
ઈન્ડિયન પ્રીમિયર લીગની હરાજીમાં દર વર્ષે સારા ક્રિકેટરો કરોડપતિ બને છે. આ વર્ષે પણ કંઈક આવું જ થવાનું છે. આ વર્ષે IPL 2024 માટે હરાજી 19 ડિસેમ્બરે યોજાશે. આ વખતે દુબઈમાં હરાજી થવા જઈ રહી છે અને તેમાં પણ કેટલાક યુવા ખેલાડીઓની કિસ્મત રાતોરાત બદલાઈ શકે છે અને તેઓ કરોડપતિ બની શકે છે.
દિલશાન મદુશંકા
શ્રીલંકાના ડોબોડી ફાસ્ટ બોલર દિલશાન મદુશંકાએ તાજેતરમાં સમાપ્ત થયેલા ODI વર્લ્ડ કપમાં શાનદાર પ્રદર્શન કર્યું હતું. આ 23 વર્ષનો યુવા ખેલાડી શ્રીલંકા માટે સૌથી વધુ વિકેટ લેનાર અને આખા વર્લ્ડકપમાં ત્રીજો સૌથી વધુ વિકેટ લેનાર બોલર બન્યો હતો. તેણે 9 મેચમાં 25.00ની એવરેજથી કુલ 21 વિકેટ લીધી હતી. આ કારણથી આ વખતની IPL ઓક્શનમાં તેના નામે કરોડો રૂપિયાની બોલી લગાવવામાં આવી શકે છે.
ગેરાલ્ડ કોએત્ઝી
આ યાદીમાં સાઉથ આફ્રિકાના એક યુવા ઝડપી બોલરનું નામ પણ સામેલ છે. 23 વર્ષીય ગેરાલ્ડ કોએત્ઝીએ પણ વર્લ્ડકપ દરમિયાન ભારતીય પીચો પર શાનદાર બોલિંગ કરી અને સૌથી વધુ વિકેટ લેનાર પાંચમા નંબરનો બોલર બન્યો હતો. તેણે વર્લ્ડ કપમાં કુલ 8 મેચ રમી અને 19.80ની એવરેજથી 20 વિકેટ લીધી. આથી ટીમ IPL ઓક્શનમાં આ યુવા ખેલાડીને કરોડપતિ પણ બનાવી શકે છે.
રચિન રવિન્દ્ર
આ યાદીમાં ન્યૂઝીલેન્ડના યુવા ખેલાડી રચિન રવિન્દ્રનો પણ સમાવેશ થાય છે. તેણે ODI વર્લ્ડ કપમાં ન્યૂઝીલેન્ડ માટે સૌથી વધુ રન બનાવ્યા અને સમગ્ર વર્લ્ડકપમાં તે ચોથો સૌથી વધુ રન બનાવનાર ખેલાડી બન્યો. આ 24 વર્ષના યુવા ખેલાડીએ 10 મેચમાં 62.22ની એવરેજથી કુલ 578 રન બનાવ્યા છે. તેથી, આ હરાજીમાં ઘણી ટીમો આ ખેલાડી માટે કરોડો રૂપિયા ખર્ચવા તૈયાર થશે.
ઇબ્રાહિમ ઝદરાન
આ યાદીમાં અફઘાનિસ્તાનના 21 વર્ષના યુવા ખેલાડી ઈબ્રાહિમ ઝદરાનનું નામ પણ સામેલ છે. આ ખેલાડીએ ODI વર્લ્ડ કપ દરમિયાન પણ શાનદાર પ્રદર્શન કર્યું હતું અને ઘણી મેચોમાં પોતાની ટીમ માટે મહત્વપૂર્ણ ઇનિંગ્સ રમી હતી. આ ખેલાડીએ 9 મેચમાં 47ની એવરેજથી કુલ 376 રન બનાવ્યા હતા. આથી ટીમ આ ખેલાડી માટે પણ કરોડો રૂપિયા ખર્ચવા તૈયાર થશે.
ટ્રેવિસ હેડ
ઓસ્ટ્રેલિયાના વિસ્ફોટક ઓપનરનું નામ પણ આ યાદીમાં સામેલ છે. ઓસ્ટ્રેલિયાના આ 29 વર્ષીય ખેલાડીએ વર્લ્ડકપમાં માત્ર થોડી જ મેચ રમી હતી પરંતુ તેના કારણે તેણે પોતાની ટીમને ચેમ્પિયન બનાવી હતી. તેણે સેમી ફાઈનલ અને ફાઈનલમાં શાનદાર પ્રદર્શન કર્યું હતું. ટોચના ક્રમમાં સારી બેટિંગ કરવાની સાથે, તે પાર્ટ-ટાઇમ સ્પિન બોલિંગ પણ કરી શકે છે. આ કારણથી IPLની ટીમો આ ખેલાડી પર કરોડો રૂપિયા ખર્ચી શકે છે.
