- ઉત્તરાખંડના બાનભૂલપુરામાંથી મુસ્લિમ પરિવારોનું સ્થળાંતર
- વહીવટીતંત્રનો બહાર જવા પર પ્રતિબંધ, તોફાનીઓ ભાગી શકે
- આરોપી અબ્દુલ મલિકને નુકસાનની ભરપાઈ માટે રિકવરી નોટીસ
ઉત્તરાખંડના હલ્દવાનીના બાનભૂલપુરા વિસ્તારમાંથી મુસ્લિમ પરિવારોએ સ્થળાંતર કરવાનું શરૂ કર્યું છે. 500થી વધુ પરિવારો તેમના ઘર છોડીને સુરક્ષિત સ્થળોએ ગયા છે. જો કે, વહીવટીતંત્રએ આ વિસ્તારમાંથી બહાર જવા પર પ્રતિબંધ મૂક્યો છે. પોલીસનું માનવું છે કે, આના કારણે ‘તોફાનીઓ’ ભાગી શકે છે.
મુખ્ય આરોપી અબ્દુલ મલિકને નુકસાનની ભરપાઈ કરવા માટે રિકવરી નોટિસ ફટકારી
8મી ફેબ્રુઆરીએ હલ્દવાનીના બાનભૂલપુરા વિસ્તારમાં દબામો હટાવવા ગયેલા વહીવટીતંત્ર અને પોલીસની ટીમ પર પથ્થરમારો અને આગચંપી દરમિયાન નગરપાલિકા અને સરકારી સંપત્તિને ભારે નુકસાન થયું હતું. તેની આકારણી કર્યા બાદ મહાનગરપાલિકાએ મુખ્ય આરોપી અબ્દુલ મલિકને નુકસાનની ભરપાઈ કરવા માટે રિકવરી નોટિસ ફટકારી છે. મ્યુનિસિપલ કોર્પોરેશને આરોપીઓને 15 ફેબ્રુઆરી સુધીમાં 2.45 કરોડની વળતરની રકમ ચૂકવવા જણાવ્યું છે. જો સમયમર્યાદાનો ભંગ થશે તો કાયદેસરની કાર્યવાહી કરવાની ચેતવણી આપવામાં આવી છે.
500થી વધુ પરિવારો શહેર છોડી ગયા
હલ્દવાની જિલ્લાના બાનભૂલપુરામાં હિંસાના ચાર દિવસ બાદ મુસ્લિમ પરિવારોએ જિલ્લાની બહાર સુરક્ષિત વિસ્તારોમાં સ્થળાંતર કરવાનું શરૂ કરી દીધું છે. 500થી વધુ પરિવારો શહેર છોડી ગયા છે. ઘણા પરિવારો તેમના સામાન સાથે પગપાળા રસ્તા પર જોવા મળ્યા હતા. હાલમાં આ વિસ્તારમાં કર્ફ્યુ લાદવામાં આવ્યો છે અને તેના કારણે વાહનોની અવરજવર બંધ છે.
હિંસા કેસમાં 30 લોકોની ધરપકડ
બનભૂલપુરામાં કથિત ગેરકાયદેસર મસ્જિદ અને મદરેસા પર વહીવટીતંત્ર દ્વારા ડિમોલિશન ડ્રાઇવ પછી થયેલી હિંસાના સંદર્ભમાં આ વિસ્તારમાં સર્ચ ઓપરેશન હાથ ધરવામાં આવ્યું હતું. પોલીસે આ કેસમાં અત્યાર સુધીમાં 30 લોકોની ધરપકડ કરી છે અને ઘણા લોકોની હજુ પણ તપાસ ચાલુ છે. ઉત્તરાખંડ પોલીસે ધરપકડ કરાયેલા લોકોના કબજામાંથી ઘણા હથિયારો પણ જપ્ત કર્યા છે.
બાણભૂલપુરામાં કર્ફ્યુ હળવો થયો પરંતુ પ્રતિબંધો હજુ પણ ચાલુ છે
વહીવટીતંત્રે હવે હલ્દવાનીના ઘણા ભાગોમાં કર્ફ્યુમાં રાહત આપી છે પરંતુ જિલ્લાનો બાનભૂલપુરા વિસ્તાર હજુ પણ ગંભીર કર્ફ્યુની ઝપેટમાં છે. લોકોને ઘરની અંદર જ રહેવા માટે કડક સૂચના આપવામાં આવી છે. કાયદાનો ભંગ કરનાર સામે કાર્યવાહી કરવાની ચેતવણી આપવામાં આવી છે. હલ્દવાનીના ઘણા ભાગોમાં ઈન્ટરનેટ સેવાઓ પુનઃસ્થાપિત કરવામાં આવી છે, સિવાય કે જ્યાં કર્ફ્યુ હજુ પણ લાગુ છે.
બાણભૂલપુરાની એન્ટ્રી-એક્ઝિટ સીલ કરાઈ
તંગદિલીના કારણે મુસ્લિમ પરિવારો તેમના ઘર છોડીને હિજરત કરી રહ્યા છે, પરંતુ વહીવટીતંત્રે બાણભૂલપુરાના તમામ પ્રવેશ અને બહાર નીકળવાના માર્ગો સીલ કરી દીધા છે. અહીંથી ન તો લોકોને બહાર જવા દેવામાં આવે છે અને ન તો કોઈ અંદર જઈ શકે છે. સૂત્રોએ જણાવ્યું હતું કે પોલીસે વિસ્તારને સીલ કરવાનો નિર્ણય લીધો છે કારણ કે તપાસકર્તાઓને લાગે છે કે મોટા પાયે હિંસામાં સામેલ તોફાનીઓ પણ ભાગી શકે છે.
‘મસ્જિદ તોડી પાડવાનો નિર્ણય ઉતાવળે લેવાયો હતો’
જમીયત ઉલેમા-એ-હિંદના એક પ્રતિનિધિમંડળે ગઈકાલે હલ્દવાની મુલાકાત લીધી હતી અને એસડીએમ સાથે બેઠક યોજી હતી જ્યાં તેમણે વહીવટીતંત્ર સાથે પણ વાત કરી હતી. આ બેઠક એક કલાકથી વધુ સમય સુધી ચાલી હતી. એસડીએમ સાથે મીટિંગ કર્યા પછી, જમિયત ઉલેમા-એ-હિંદના મહાસચિવ અબ્દુલ રઝીકે કહ્યું કે વહીવટીતંત્રે ઉતાવળમાં મસ્જિદ તોડી પાડવાનો નિર્ણય લીધો, જેના કારણે વિસ્તારમાં તણાવ સર્જાયો.
મુખ્યમંત્રીએ જાહેરાત કરી ડિમોલેશનની જગ્યા પર પોલીસ સ્ટેશન બનાવાશે
સંગઠનના જનરલ સેક્રેટરીએ કહ્યું, અમે અહીં વિસ્તારમાં શાંતિની અપીલ કરવા આવ્યા છીએ. અમે એસડીએમને વિનંતી કરી છે કે તે સુનિશ્ચિત કરે કે નિર્દોષ લોકો સામે કાર્યવાહી ન થાય. આ ડિમોલિશન ડ્રાઇવ અચાનક હાથ ધરવામાં આવી હોવાથી આવું થયું. વહીવટીતંત્ર કોર્ટના આદેશની રાહ જોવી જોઈતી હતી. ઉત્તરાખંડના મુખ્યમંત્રી પુષ્કર સિંહ ધામીએ જાહેરાત કરી છે કે જ્યાં મસ્જિદ અને મદરેસાને તોડી પાડવામાં આવ્યા હતા તે જ જગ્યાએ પોલીસ સ્ટેશન બનાવવામાં આવશે.
