21 જૂન 2025એ અમેરિકાએ ઈરાનના પરમાણુ કાર્યક્રમને નિશાનો બનાવીને એક ઐતિહાસિક સૈન્ય ઓપરેશન મિડનાઈટ હેમર શરૂ કર્યુ. આ ઓપરેશનમાં 7 B-2 સ્પિરિટ સ્ટીલ્થ બોમ્બરે ઈરાનના સૌથી સુરક્ષિત પરમાણુ ઠેકાણાઓ ફોર્ડો પર 14 GBU-57 મેસિવ ઓર્ડનેન્સ પેનેટ્રેટર બોમ્બ છોડ્યા. સેટેલાઈટ તસીવરોમાં ફોર્ડોના ઉપરના ભાગમાં ઓછામાં ઓછા 6 ખાડાઓ દેખાઈ રહ્યા છે. અમેરિકાએ દાવો કર્યો હતો કે આ કામગીરી સંપૂર્ણ સફળ રહી હતી. ઈરાને બદલો લીધો ન હતો કારણ કે તેમની સંરક્ષણ પ્રણાલી આ સ્ટીલ્થ વિમાનોને શોધી શકી ન હતી.
શું હતું ઓપરેશન મિડનાઈટ હેમર?
ઓપરેશન મિડનાઈટ હેમર અમેરિકાનું એક ગુપ્ત અને હાઈ રિસ્કવાળું સૈન્ય મિશન હતું, જેનો ઉદ્દેશ્ય ઈરાનના પરમાણુ હથિયાર બનાવવાની ક્ષમતાને નષ્ટ કરવાનો હતો. આ ઓપરેશન 21 જૂન 2025ની રાત્રે શરૂ થયું હતું અને તેમાં 125થી વધારે અમેરિકી વિમાન સામેલ હતા, જેમાં 7 B-2 સ્ટીલ્થ બોમ્બર મુખ્ય હતા. ફોર્ડો ઈરાનનો સૌથી મજબૂત અને ઉંડો પરમાણુ ઠેકાણો હતો, જે તેહરાનથી 100 માઈલ દક્ષિણમાં એક પહાડની નીચે 80-90 મીટરની ઉંડાઈ પર બનાવેલો છે. આ સ્થળ યુરેનિયમ સંવર્ધન માટે મહત્વપૂર્ણ છે, જ્યાં ઈરાન 83.7 ટકા સુધી સમૃદ્ધ યૂરેનિયમ બનાવી રહ્યો હતો, જે પરમાણુ હથિયાર માટે જરૂરી 90 ટકા જેટલું છે.
ઈરાને કેમ ના કરી જવાબી કાર્યવાહી?
અમેરિકા તરફથી કરવામાં આવતા દાવા મુજબ ઈરાને આ હુમલા દરમિયાન એક પણ ગોળી ચલાવી નથી, કારણ કે B-2ની સ્ટીલ્થ ટેક્નીક ઈરાનની ડિફેન્સ સિસ્ટમ S-300 B-2 બોમ્બર્સને જોઈ શકી નહીં. અમેરિકાએ પ્રશાંત મહાસાગરમાં દિશાહિન કરીને ઈરાનને ગુમરાહ કરી દીધું. ફોર્ડો સિવાય અમેરિકાએ નતાંજ અને ઈસ્ફહાન પરમાણુ ઠેકાણાઓ પર પણ હુમલા કર્યા છે.
