- 25 નવેમ્બરે રાજસ્થાન વિધાનસભા ચૂંટણી યોજાશે
- રાહુલ ગાંધી, અશોક ગેહલોત અને સચિન પાયલોટ એક સાથે
- પાયલોટ-ગેહલોતનો આંતરિક વિખવાદ ઢાંકવાનો પ્રયાસ
રાજસ્થાનમાં 25 નવેમ્બરે યોજાનારી ચૂંટણી માટે જયપુરમાં પ્રચાર કરવા નીકળેલા કોંગ્રેસના નેતાઓ રાહુલ ગાંધી, અશોક ગેહલોત અને સચિન પાયલોટ વચ્ચે “પહેલા તમે, પહેલા તમે” નો ખેલ જોવા મળ્યો હતો. સોશિયલ મીડિયામાં શેર કરવામાં આવેલા વિડીયોમાં અશોક ગેહલોત અને સચિન પાયલટ રાહુલ ગાંધી સાથે છે. ત્રણેય નેતાઓ આગળ જવા માટે એકબીજાને ‘તમે પહેલા, તમે પહેલા’ કહેતા જોવા મળ્યા હતા. રાજસ્થાન કોંગ્રેસ અધ્યક્ષ ગોવિંદ સિંહ દોતાસરા પણ જોવા મળ્યા હતા. આ દરમિયાન “તમે પહેલા, તમે પહેલા” નો તાલ જોવા મળ્યો હતો.
જેવા મીડિયા કર્મીઓ સામે આવ્યા તો રાહુલ ગાંધીએ આપણે બધા એક સાથે નથી દેખાઈ રહ્યા પરંતુ આપણે બધા એક સાથે છીએ અને સાથે જ રહીશું. રાજસ્થાનમાં કોંગ્રેસ ચૂંટણી જીતશે. જ્યારે રાહુલ ગાંધીએ આ ટિપ્પણી કરી તો અશોક ગેહલોત સ્માઇલ કરતાં જોવા મળ્યા હતા.
રાજસ્થાનમાં મતદાન પહેલા બધાએ ભેગા થઈને જનતામાં એકતા બતાવવાનો પ્રયાસ કર્યો હતો. વાસ્તવમાં, કોંગ્રેસ સામે સૌથી મોટો પડકાર ગેહલોત અને પાયલોટની આગેવાની હેઠળની શિબિરો વચ્ચેની લડાઈ છે, જેના કારણે 2020માં રાજ્ય સરકાર લગભગ મુશ્કેલીમાં હતી. આવી સ્થિતિમાં, પાર્ટી પોતાની એકતા બતાવવાનો પ્રયાસ કરી રહી છે જેથી ચૂંટણીમાં આંતરિક વિખવાદની અસર ન થાય. બંને નેતાઓએ ભારપૂર્વક જણાવ્યું હતું કે ભાજપ સામેની લડાઈમાં પાર્ટી એક સાથે છે. આ પહેલા ગેહલોતે એક તસવીર પણ શેર કરી હતી, જેનું કેપ્શન હતું- એકસાથે અને ફરીથી જીતવું. તમને જણાવી દઈએ કે રાહુલ ગાંધી મંગળવારે માતા સોનિયા ગાંધી સાથે જયપુર પહોંચ્યા હતા. વાસ્તવમાં, સોનિયા ગાંધી દિલ્હીના ગંભીર વાયુ પ્રદૂષણથી બચવા માટે જયપુરની વ્યક્તિગત મુલાકાતે છે.
