- ઈઝરાયેલ અને હમાસના આતંકીઓ વચ્ચે ભડક્યું યુદ્ધ
- 5000થી વધુ રોકેટ હુમલા ઈઝરાયેલ પર થતા મોતનું તાંડવ
- 200 લોકોના મોત અન્ય 2000થી વધુ લોકો ઇજાગ્રસ્ત
ઈઝરાયલ પર 5000થી વધુ રોકેટ હુમલા થયા બાદ હવે ઈઝરાયલે ગાઝા પટ્ટીમાં હમાસના ઠેકાણાઓને નિશાન બનાવ્યાં હતાં. હમાસ નામના આતંકી સંગઠનને ટારગેટ કરતાં ઈઝરાયલ દ્વારા હવાઈ હુમલા કરાયા હતા જેમાં મોટાપાયે જાનહાનિ થયાના અહેવાલ આવી રહ્યા છે.
પેલેસ્ટાઈનના સ્વાસ્થ્ય મંત્રાલયનું નિવેદન
પેલેસ્ટાઈનના સ્વાસ્થ્ય મંત્રાલયના આંકડા અનુસાર ગાઝા પટ્ટીપર ઈઝરાયલની વળતી કાર્યવાહીમાં કુલ 200થી વધુ લોકો જીવ ગુમાવી ચૂક્યા છે જ્યારે 2000થી વધુ લોકો ઘાયલ થયા હોવાની માહિતી સામે આવી રહી છે. મળી રહી છે. હમાસના હુમલા બાદ તેનો જડબાતોડ જવાબ આપવા માટે હવે ઈઝરાયલ દ્વારા વિનાશક કાર્યવાહી કરવામાં પીછેહઠ નહીં કરે. ઈઝરાયલ હવે હમાસના હુમલા સામે લડી લેવાના મુડમાં છે.
બીજી બાજુ હમાસના હુમલાથી અકળાયેલા ઈઝરાયલે તેના નાગરિકોને સાવચેત રહેવા અને વોટ્સએપ જેવા સોશિયલ મીડિયા પ્લેટફોર્મ પર અફવાઓ ન ફેલાવવા આગ્રહ કર્યો હતો. ઈઝરાયલના વડાપ્રધાન કાર્યાલય તરફથી સોશિયલ મીડિયા પ્લેટફોર્મ એક્સ પર જારી નિવેદનમાં જણાવાયું હતું જેમાં કહેવામાં આવ્યું હતું કે શત્રુ દેશની કોઈ મદદ ના કરે.
ઈઝરાયલ -હમાસના આતંકીઓ વચ્ચે ભડક્યું યુદ્ધ
ઈઝરાયલ-ગાઝા પટ્ટીમાં આતંકી સંગઠન હમાસ વચ્ચે યુદ્ધ ભડકી ગયું છે. ઈઝરાયલના વડાપ્રધાન બેન્જામિન નેતન્યાહૂએ પણ આ મામલે પોતે ટ્વિટ કરીને ઇઝરાયલ યુદ્ધની સ્થિતિમાં છે તેવી જાહેરાત કરી દીધી છે. આ દરમિયાન મોટા અહેવાલ એવા મળી રહ્યા છે કે હમાસ દ્વારા કરાયેલા હુમલામાં અત્યાર સુધીમાં કુલ 40થી વધુ ઈઝરાયલી નાગરિકો મૃત્યુ પામી ચૂક્યા છે જ્યારે ઘાયલોની સંખ્યા 500ને વટાવી ગઈ છે. ઉલ્લેખનીય છે કે હમાસ દ્વારા ઈઝરાયલ પર કરાયેલા હુમલા એટલા ભયાનક હતા કે તેના વિવિધ શહેરોમાં જુદા જુદા વિસ્તારોમાં 5000થી વધુ રોકેટ ઝિંકવામાં આવ્યા હતા.
મધ્ય પૂર્વના આ વિસ્તારમાં 100 વર્ષથી આ સંઘર્ષ
ગાઝા પર શાસન કરનારા આતંકવાદી જૂથ હમાસ અને ઈઝરાયેલ વચ્ચે વર્ષોનો સૌથી ગંભીર તણાવ છે. મધ્ય પૂર્વના આ વિસ્તારમાં 100 વર્ષથી આ સંઘર્ષ ચાલી રહ્યો છે અને વેસ્ટ બેંક, ગાઝા પટ્ટી અને ગોલાન હાઇટ્સ જેવા વિસ્તારોને લઈને વિવાદ ચાલી રહ્યો છે. પેલેસ્ટાઈન આ વિસ્તારો સહિત પૂર્વ જેરુસલેમ પર પોતાનો દાવો જાહેર કરે છે પરંતુ ઈઝરાયેલ જેરુસલેમ પરનો પોતાનો દાવો છોડવા સંમત નથી. ગાઝા પટ્ટી ઇઝરાયેલ અને ઇજિપ્ત વચ્ચેનો વિસ્તાર છે અને હાલમાં તે ઇઝરાયેલ વિરોધી જૂથ હમાસના નિયંત્રણ હેઠળ છે. સપ્ટેમ્બર 2005માં, ઈઝરાયેલે ગાઝા પટ્ટીમાંથી તેની સેના પાછી ખેંચી લીધી અને 2007માં ઈઝરાયેલે આ વિસ્તાર પર અનેક નિયંત્રણો લાદી દીધા. પેલેસ્ટાઈન પણ ઈચ્છે છે કે વેસ્ટ બેન્ક અને ગાઝા પટ્ટીમાં પેલેસ્ટાઈનનું સ્વતંત્ર રાજ્ય સ્થાપવામાં આવે. જોકે આ વિવાદનો અંત કેવું આવે તે હવે જોવુ જ રહ્યુ.
