- ઇઝરાયેલ અને હમાસ વચ્ચે ભયાનક યુદ્ધ
- યુદ્ધમાં અત્યાર સુધીમાં 900 ઈઝરાયેલના લોકો માર્યા ગયા
- ગાઝા પટ્ટીમાં 704 લોકોએ જીવ ગુમાવ્યા છે
ઇઝરાયેલ અને હમાસ વચ્ચે છેલ્લા 72 કલાકથી યુદ્ધ ચાલી રહ્યું છે. યુદ્ધમાં અત્યાર સુધીમાં 900 ઈઝરાયેલના લોકો માર્યા ગયા છે. 2,600 થી વધુ ઘાયલ થયા છે. ગાઝા પટ્ટીમાં 704 લોકોએ જીવ ગુમાવ્યા છે અને લગભગ 4000 લોકો ઘાયલ થયા છે. ગાઝામાં માર્યા ગયેલા લોકોમાં 143 બાળકો અને 105 મહિલાઓનો સમાવેશ થાય છે. એટલું જ નહીં તેની અસર લેબનોનમાં પણ જોવા મળી રહી છે. એક તરફ પશ્ચિમ કાંઠે 16 લોકોના મોત થયા છે અને 2,616 લોકો ઘાયલ થયા છે, તો બીજી તરફ લેબનોનમાં 3 લોકોએ જીવ ગુમાવ્યા છે. એકંદરે, અત્યાર સુધીમાં બંને પક્ષોના લગભગ 1600 લોકો માર્યા ગયા છે અને 6 હજારથી વધુ લોકો ઘાયલ થયા છે. સતત વિસ્ફોટો, હવાઈ હુમલા અને બોમ્બ ધડાકા વચ્ચે લોકોની ચીસોના ભયંકર દૃશ્યો સામે આવવા લાગ્યા છે.
નેતન્યાહુએ કહ્યું, ‘હમાસે યુદ્ધ શરૂ કર્યું છે અને હવે તેણે તેનો સામનો કરવા તૈયાર રહેવું જોઈએ.
ઇઝરાયલ કે હમાસમાંથી કોઇ નમવા તૈયાર નથી. હમાસે ઈઝરાયેલને ધમકી આપી છે કે જો તે બોમ્બ ધડાકા બંધ નહીં કરે તો તે ઈઝરાયેલમાંથી અપહરણ કરાયેલા લોકોને એક પછી એક મારવાનું શરૂ કરશે, જ્યારે ઈઝરાયેલના વડાપ્રધાન બેન્જામિન નેતન્યાહુએ પણ પીછેહઠ કરવાનો ઈન્કાર કરી દીધો છે. નેતન્યાહુએ કહ્યું છે કે હમાસની કાર્યવાહી બાદ પીછેહઠ કરવાનો પ્રશ્ન જ નથી.
ઇઝરાયલ કે હમાસમાંથી કોઇ નમવા તૈયાર નથી
નેતન્યાહૂએ એક નિવેદન જારી કરીને પેલેસ્ટિનિયન આતંકવાદી સંગઠન હમાસને કડક ચેતવણી આપી છે. તેમણે કહ્યું છે કે ભવિષ્યમાં આપણે જે પગલાં લેવા જઈ રહ્યા છીએ તેની સીધી અસર આપણી ભાવિ પેઢીઓ પર પડશે. ઈઝરાયેલના દુશ્મનો સારી રીતે સમજે છે કે જો અમેરિકાનું એરક્રાફ્ટ કેરિયર આપણા વિસ્તારમાં આવી ગયું હોય તો તેનો અર્થ શું થાય?
નેતન્યાહુએ વધુમાં કહ્યું, ‘હમાસે યુદ્ધ શરૂ કર્યું છે અને હવે તેણે તેનો સામનો કરવા તૈયાર રહેવું જોઈએ. અમારા વિસ્તારમાં હજુ પણ મોટી સંખ્યામાં આતંકીઓ છે. અમે તેમને ભગાડવા માટે પગલાં લઈ રહ્યા છીએ. અમે લેબનોન અને પશ્ચિમ કાંઠા સાથેની અમારી સરહદને મજબૂત કરવા માટે કામ કરવાનું ચાલુ રાખીશું. અમે આંતરરાષ્ટ્રીય સમર્થન મેળવવા માંગીએ છીએ જેથી અમે સ્વતંત્ર રીતે આગળ વધી શકીએ.
ઈઝરાયેલમાં આંતરિક વિભાજનની વાતો હવે ઈતિહાસ બની ગઈ છે ઈઝરાયેલના PM
ઈઝરાયેલના PMએ કહ્યું, ‘હું વિપક્ષી નેતાઓને વિનંતી કરું છું કે તેઓ આગળ આવે અને સંગઠિત સરકાર બનાવે. હમાસના આતંકવાદીઓ જ્યાંથી કાર્યરત છે તે ઠેકાણાઓ ટૂંક સમયમાં ખંડેરમાં ફેરવાઈ જશે. ઈઝરાયેલમાં આંતરિક વિભાજનની વાતો હવે ઈતિહાસ બની ગઈ છે. અમારું પ્રથમ કાર્ય ગાઝા પટ્ટીની આસપાસના શહેરોમાં આશ્રય લઈ રહેલા આતંકવાદીઓને બહાર કાઢવાનું અને તેમને શહેર ખાલી કરાવવાનું છે.
‘હમાસને ISISની જેમ ધૂળમાં રગદોડી દેવામાં આવશે’
બેન્જામિન નેતન્યાહુએ અભૂતપૂર્વ આંતરરાષ્ટ્રીય સમર્થન માટે ઈઝરાયેલનો આભાર માન્યો હતો. તેણે કહ્યું, ‘પેલેસ્ટાઈન આતંકવાદીઓ હજુ પણ ઈઝરાયેલની સરહદની અંદર હાજર છે. આપણે આપણા દુશ્મનો સાથે જે કરીએ છીએ તે પેઢીઓ સુધી ફરી વળશે. ઈઝરાયેલમાંથી અપહરણ અને ગુમ થયેલા લોકોને શોધવાના પ્રયાસો ચાલુ છે. આ સમયે આપણે મુશ્કેલ સમયમાંથી પસાર થઈ રહ્યા છીએ. પરંતુ અમને વિશ્વાસ છે કે જીત અમારી જ થશે. હમાસ ISIS (ઇસ્લામિક સ્ટેટ)નું બીજું સ્વરૂપ છે. અમે તેને પણ એ જ રીતે ખતમ કરીશું જે રીતે અમે ISIS સાથે કર્યું હતું.
