- ઓરોપાઉચ વાયરસ મચ્છરથી ફેલાય છે
- ચેપ બાદ હળવો તાવ અને સ્નાયુઓમાં દુઃખાવો થાય છે
- આ વાયરસને કારણે બે મહિલાઓના મોત થયા છે
છેલ્લા કેટલાક મહિનામાં અનેક પ્રકારના વાયરસ ફરી સક્રિય થઈ રહ્યા છે.જેમાં ભારતની વાત કરીએ તો ઝીકા, ચાંદીપુરા અને ડેન્ગ્યુના કેસ વધ્યા છે. ડેન્ગ્યુની વચ્ચે બ્રાઝિલમાં ખતરનાક વાયરસે દસ્તક આપી છે. અહીં ઓરોપાઉચ વાયરસના કેસ નોંધાઈ રહ્યા છે. મોટી વાત એ છે કે આ વાયરસને કારણે બે મહિલાઓના મોત થયા છે. આ વર્ષે બ્રાઝિલમાં ઓરોપાઉચના લગભગ 7 હજાર કેસ નોંધાયા છે, પરંતુ મૃત્યુનો આ પહેલો કેસ છે.
આ વાયરસ ખતરનાક બની શકે છે
આ વાયરસ પર બહુ ઓછું સંશોધન થયું છે. તેના એક વ્યક્તિથી બીજી વ્યક્તિમાં સંક્રમણના ડેટા ઉપલબ્ધ નથી. નિષ્ણાતોનું માનવું છે કે વાયરસના કેસ ઓછા હોવા છતાં તે ખૂબ જ ખતરનાક છે. તો જાણો ઓરોપાઉચ વાયરસ શું છે? જાણો તેના લક્ષણો અને અટકાવવાની રીત.
Oropouche વાયરસ શું છે?
ઓરોપાઉચ વાયરસ દક્ષિણ આફ્રિકામાં થોડા દાયકા પહેલા જોવા મળ્યો હતો. હવે તે ફરી સક્રિય થયો છે અને બે દર્દીઓના મોત પણ થઈ ચૂક્યા છે. ઓરોપાઉચ વાયરસ મચ્છરથી ફેલાય છે. ચેપ બાદ હળવો તાવ અને સ્નાયુઓમાં દુઃખાવો થાય છે. તેના લક્ષણો ડેન્ગ્યુ જેવા જ હોય છે, પરંતુ આ તાવમાં સ્પાઈસ કોડમાં સોજો આવે છે. જે જીવલેણ બની શકે છે.
શું વાયરસનો કોઈ ઈલાજ છે?
Oropouche વાયરસ માટે કોઈ નિર્ધારિત સારવાર અથવા રસી નથી. જો કે એક વ્યક્તિથી બીજી વ્યક્તિમાં વાયરસના સંક્રમણ વિશે કોઈ ચોક્કસ માહિતી નથી.
મચ્છરજન્ય રોગોના કેસ કેમ વધ્યા
હાલમાં ઝીકા, ડેન્ગ્યુ, ચાંદીપુરા અને હવે ઓરોપાઉચ વાયરસના કેસ નોંધાયા છે. આ તમામ મચ્છર કરડવાથી ફેલાય છે. આ સિઝનમાં ડેન્ગ્યુ સામાન્ય છે, પરંતુ જે રીતે ઝીકા, ચાંદીપુરા અને હવે ઓરોપાઉચના કેસ આવ્યા છે તે ચિંતામાં વધારો કરી રહ્યા છે.
કેવી રીતે રક્ષણ કરવું
- એકમાત્ર ઉપાય એ છે કે મચ્છરોથી બચવું.
- આસપાસ પાણી એકઠું થવા ન દો.
- ફુલ સ્લીવ્ઝના કપડાં પહેરો.
- તાવ હોય અને તે ત્રણ દિવસથી ઓછો ન થયો હોય તો CBC ટેસ્ટ કરાવો.
