કોરોના વાયરસે ફરી એકવાર દુનિયામાં પોતાની હાજરી દર્શાવવાનું શરૂ કરી દીધું છે. હાલમાં પરિસ્થિતિ પહેલા જેટલી ગંભીર નથી, પરંતુ કેટલાક દેશોમાં કેસોમાં અચાનક વધારો ચોક્કસપણે ચિંતા વધારી રહ્યો છે. આ વખતે સૌથી વધુ અસર બ્રિટનમાં જોવા મળી રહી છે, જ્યાં કોવિડ-19 ને કારણે મૃત્યુઆંક માત્ર એક અઠવાડિયામાં લગભગ બમણો થઈ ગયો છે.
યુકેમાં કોવિડથી મૃત્યુઆંકમાં 65% નો વધારો
યુકે સરકારના તાજેતરના ડેટા અનુસાર 2 મેના રોજ પૂરા થતા અઠવાડિયામાં 101 લોકો કોવિડ-19 થી મૃત્યુ પામ્યા હતા, જેમ કે તેમના મૃત્યુ પ્રમાણપત્રોમાં ઉલ્લેખ છે. આ સંખ્યા ગયા અઠવાડિયા કરતા 65% વધુ છે. જાન્યુઆરીની શરૂઆતમાં એક અઠવાડિયામાં 111 મૃત્યુ નોંધાયા હતા. જોકે આ આંકડા હજુ પણ નવેમ્બર 2023 માં થયેલા 273 સાપ્તાહિક મૃત્યુ કરતા ઓછા છે
JN.1 વેરિઅન્ટ ઝડપથી ફેલાઇ રહ્યો છે
આરોગ્ય નિષ્ણાતોના મતે ઓમિક્રોનનું સબવેરિયન્ટ JN.1 આ ઉછાળા માટે જવાબદાર છે. આ પ્રકાર વિશ્વના ઘણા ભાગોમાં ફેલાયો છે. આ જ કારણ છે કે ઘણા દેશોમાં ચેપ અને હોસ્પિટલમાં દાખલ થવાની સંખ્યા વધી રહી છે. માત્ર બ્રિટનમાં જ નહીં પરંતુ ઘણા એશિયન દેશોમાં પણ કોરોનાના કેસ ફરી વધી રહ્યા છે. આ ઉપરાંત સિંગાપોરમાં 3 મેના રોજ પૂરા થયેલા અઠવાડિયામાં કોરોના ચેપના કેસ 11,100 થી વધીને 14,200 થયા છે. હોસ્પિટલમાં દાખલ દર્દીઓની સરેરાશ સંખ્યા પણ 102 થી વધીને 133 થઈ ગઈ છે.
થાઇલેન્ડમાં, 17 મેના રોજ પૂરા થયેલા અઠવાડિયામાં કોવિડના કેસ બમ ણાથી વધુ વધીને 33,000 થી વધુ થયા. સરકારે નાગરિકોને બૂસ્ટર ડોઝ લેવાની અપીલ કરી છે. હોંગકોંગમાં 10 મેના રોજ પૂરા થયેલા સપ્તાહમાં 1042 કેસ નોંધાયા હતા, જે અગાઉના સપ્તાહમાં 972 કેસ હતા. ત્યાંના આરોગ્ય વિભાગના જણાવ્યા અનુસાર, કોવિડના બે સક્રિય તરંગો પહેલા પણ જોવા મળ્યા છે, એક એપ્રિલથી જુલાઈ 2023 અને બીજી ફેબ્રુઆરીથી માર્ચ 2024 સુધી. હવે એપ્રિલ 2025ના મધ્યભાગથી ચેપ ફરીથી સક્રિય થતો જણાય છે.
ખતરો કેટલો મોટો છે?
હાલ કોરોનાનુ આ રૂપ ભયંકર નથી પરંતુ વાયરસનું નવું સ્વરૂપ અને ઝડપથી વધી રહેલા કેસ સૂચવે છે કે સતર્ક રહેવું મહત્વપૂર્ણ છે. આરોગ્ય એજન્સીઓ સતત દેખરેખ રાખી રહી છે અને લોકોને જરૂર પડે ત્યારે માસ્ક પહેરવા, હાથ ધોવા અને ભીડ ટાળવા જેવી સાવચેતી રાખવાની સલાહ આપવામાં આવી રહી છે. બ્રિટનમાં મૃત્યુઆંકમાં વધારો અને એશિયામાં કેસોની વધતી સંખ્યા દર્શાવે છે કે સતર્ક રહેવાની જરૂરિયાત છે.
