- પાનના ગલ્લા પર CID ક્રાઈમની રેડમાં મોટો ખુલાસો
- મોટા વરાછાના VIP સર્કલ પાસે ચાલતો હતો સટ્ટો
- સુપર ID ધારક નામચીન બુકી કાનો સુદામા વોન્ટેડ
સુરતમાં ક્રિકેટ સટ્ટા બેટિંગમાં રૂ.2.15 કરોડનું બેલેન્સ ધરાવતો બુકી ઝડપાયો છે. જેમાં સુરતમાં ક્રિકેટ સટ્ટા બેટિંગમાં વર્લ્ડકપની મેચ પર સટ્ટા રેકેટનો પર્દાફાશ થયો છે. મોટા વરાછાના VIP સર્કલ પાસે સટ્ટો ચાલતો હતો. પાનના ગલ્લા પર CID ક્રાઈમની રેડમાં મોટો ખુલાસો થયો છે.
સુપર ID ધારક નામચીન બુકી કાનો સુદામા વોન્ટેડ
સુપર ID ધારક નામચીન બુકી કાનો સુદામા વોન્ટેડ છે. ત્યારે મોટા ગજાના બુકી મનાતા કિશન ઉર્ફે બ્રિજેશ ઉર્ફે કાના સુદામા મનસુખભાઇ મારવણીયા અગાઉ પકડાયો હતો. જેમાં હરેશ મકવાણા નામના સટ્ટોડીયાની ધરપકડ કરાઇ છે. ત્યારે આરોપી વર્લ્ડકપની મેચ પર સટ્ટો ઓનલાઇન એપ્લિકેશન અને IDથી રમાડતો હતો. તથા ભાવનગરનો સોહલ હિંગોરા પણ વોન્ટેડ છે. તેમાં બે મોબાઇલ, મોપેડ, ભારતીય રોકડા રૂપિયા તથા નેપાળની કરન્સી કબ્જે કરવામાં આવી છે.
લાઇવ મેચના હાર-જીતના ભાવ લખાયેલા પણ નજરે પડયા
ગાંધીનગર સીઆઇડી ક્રાઇમના સીઆઇ સેલની ટીમને બાતમી મળી હતી કે, મોટાવરાછામાં વીઆઇપી સર્કલ પાસે એક પાનના ગલ્લા પર હરેશ મકવાણા નામનો વ્યક્તિ વર્લ્ડકપની મેચ પર સટ્ટો રમે છે. તે વ્યક્તિ www.pavanexch.com નામની મોબાઇલ એપ પર સુપર માસ્ટર તરીકે urban999 નામની એપ પર પાકિસ્તાન અને ન્યુઝીલેન્ડ વચ્ચેની મેચ પર પોતાના આઇડી નીચે માસ્ટર તરીકેની આઇડી આપી ઓનલાઇન સટ્ટો રમાડે છે. જેથી સાયબર ક્રાઇમની ટીમે અહીં દરોડા પાડી હરેશ રણછોડ મકવાણા (રહે- માધવપાર્ક, ઉત્રાણ રેલવે સ્ટેશન પાસે)ને પકડી પાડયો હતો. તેના મોબાઇલ ચેક કરતા arban999 નામની એપ ખુલ્લી જણાઇ આવી હતી. જેના પર લાઇવ મેચના હાર-જીતના ભાવ લખાયેલા પણ નજરે પડયા હતા.
માસ્ટર આઇડી Hari 1313 કે જે www.pavanexch.comમાંથી મળી
આ સુપર માસ્ટર આઇડી Hari 1313 કે જે www.pavanexch.comમાંથી મળી હતી. આ ક્રિકેટ સટ્ટા પર વલણ ક્યાં કપાવે છે? તે પૂછતા હરેશે કિશન ઉર્ફે બ્રિજેશ ઉર્ફે કાનો સુદામાનું નામ પોલીસને આપ્યું હતુ. પોલીસના જણાવ્યા પ્રમાણે www.pavanexch.com નામની એપ કાના સુદામાએ તો www.urban999.com સોહેલે હિંગોળા પાસેથી મેળવી હોવાનું જણાવ્યું હતુ. pavanexch નામના એડમિનમાં 31 ગ્રાહકો હોવાનું ખુલ્યું હતુ. સાથોસાથ એપ પર લિસ્ટ ઓફ ક્લાયન્ટ્સ પર ક્લિક કરતા 9 માસ્ટર આઇડીની વિગતો બહાર આવી હતી. જે તમામની વિવિધ બેલેન્સ ચેક કરતા રૂ.2.15 કરોડની આઇડી બેલેન્સ કહો કે ક્રેડિટ લિમિટ મેળવી હોવાનો ઘટસ્ફોટ થયો હતો.
