- ચેકડેમના કિનારે આરામ કરતો મગર દેખાયો
- અવાર નવાર જોવા મળે છે મહાકાય મગર
- મગર દેખાતા વન વિભાગને કરાઈ જાણ
જૂનાગઢના ભવનાથ વિસ્તારમાં નારાયણધરા પાસે મહાકાય મગર દેખાયો છે. જેમાં ચેકડેમના કિનારે આરામ કરતો મગર દેખાયો છે. તેમજ અવાર નવાર વિસ્તારમાં મહાકાય મગર જોવા મળે છે. તેથી વન વિભાગને જાણ કરાઈ છે.
ભવનાથ વિસ્તારમાં મહાકાય મગર દેખાયો
ભવનાથ વિસ્તારમાં મહાકાય મગર દેખાયો છે. ઠંડીમાં સૂર્યનારાયણની ગરમી લેવા મગર કિનારે દેખાયો હતો. અવાર નવાર મહાકાય મગર જોવા મળે છે. જેમાં ચેકડેમના કિનારે આરામ કરતો મગર દેખાતા સ્થાનિકોમાં ભય ફેલાયો છે. અગાઉ જૂનાગઢના દામોદર કુંડમાં મગર જોવા મળતા સ્નાન કરતા શ્રદ્ધાળુઓના જીવ ઉંચા થઈ ગયા હતા. દામોદર કુંડમાં અચાનક જ મગર જોવા મળ્યો હતો. જૂનાગઢમાં ભક્તોની ભીડ મોટી સંખ્યામાં ઉમટી હતી. જૂનાગઢના ગીરનારના દર્શને ભક્તો મોટી સંખ્યામાં આવતા હોય છે. અહીં ભક્તો ગીરનાર પર્વતની તળેટીમાં રહેલા દામોદર કુંડમાં સ્નાન કરતા હોય છે. દામોદર કુંડનુ સ્નાન કરવાનુ ખૂબ જ મહત્વનુ છે.
મગર થોડી વારમાં જ કૂંડથી દૂર ચાલ્યો જતા જ રાહત સર્જાઈ
જોકે દામોદર કુંડમાં મગર આવ્યો હોવાનુ જોવા મળતા જ ભક્તો અને શ્રદ્ધાળુઓના જીવ ઉંચા થઈ ગયા હતા. સ્નાન કરતા શ્રદ્ધાળુઓ વચ્ચે જ આ મગરના દ્રશ્ય જોવા મળ્યા હતા. લોકોમાં ભયનો માહોલ ફેલાઈ ગયો હતો. જોકે મગર થોડી વારમાં જ કૂંડથી દૂર ચાલ્યો જતા જ રાહત સર્જાઈ હતી.
