રોંગ નંબરથી શરૂ થયેલી લવ સ્ટોરી આખરે પ્રેમ લગ્નમાં પરિણમી

• રોંગ નંબરથી કોલ આવ્યા બાદ યુવક-યુવતી વચ્ચે વાતચીત શરૂ થઈ
• વાતચીત વધતા યુવક-યુવતી પ્રેમમાં પડયાં
• સ્થાનિકોએ બંનેનાં લગ્ન કરાવી દીધા 

પ્રેમ અનોખી રીતે ખીલે છે. જો કે કેટલાક લોકોની સ્ટોરી થોડી હટકે હોય છે. એક કપલ માટે પ્રેમની શરૂઆત રોંગ નંબરથી થઈ હતી. હૃદયસ્પર્શી પ્રેમ કહાનીએ વિશ્વભરના લોકોને મંત્રમુગ્ધ કરી દીધા છે. હવે આ અનોખી વાર્તા વાયરલ થઈ છે. આ અનોખી પ્રેમ કથાના નાયક બિહારના જમુઈ જિલ્લાના જાવતારી ગામની આરતી કુમારી અને પટણા જિલ્લાના પાંડરકની રામસેવક છે. તેમના સંબંધો ચાર વર્ષ પહેલા શરૂ થયા હતા જ્યારે રામસેવકને અજાણ્યા મોબાઈલ નંબર પરથી ફોન આવ્યો હતો, ત્યારબાદ વાતચીત વધી અને પછી પ્રેમ થયો બાદમાં પ્રેમ સંબંધમાં ફેરવાઈ ગયો હતો.

 રોંગ નંબરથી મળ્યા બે લોકો, વાર્તા પ્રેમમાં બદલાઈ

આ ચાર વર્ષ દરમિયાન તેઓ અવારનવાર આરતીના ઘરે અને જમુઈ રેલવે સ્ટેશન પર મળતા હતા, જો કે, આરતીની માતાને આ સમગ્ર બાબતની જાણ હતી. એક રિપોર્ટ અનુસાર, છોકરાને ખોટા નંબર પરથી કોલ આવ્યો હતો અને યોગાનુયોગ કોલ કરનાર એક છોકરી હતી. તેમના બંને વચ્ચે વાતચીત થઈ ત્યારબાદ તેમને એટલી નજીક લઈ ગઈ કે તેઓ એકબીજાના પ્રેમમાં પડી ગયા હતા. બંને વચ્ચે 150 કિમીનું અંતર હોવા છતાં છોકરાએ છોકરીને મળવાનું નક્કી કર્યું. તેઓની લવ સ્ટોરીએ ચોંકાવનારો વળાંક લીધો જ્યારે તેઓ તેમના રૂમમાં મીટિંગ દરમિયાન ગામલોકોએ બંનેને પકડી લીધા ત્યારે યુવક પર લગ્ન કરવા માટે દબાણ કર્યું. જો કે યુવકને આવું પસંદ ન આવતા સ્થાનિક લોકોએ મામલો પોતાના હાથમાં લીધો અને કપલને તેમના રૂમમાં કેદ કરી લીધાો હતો. જો કે મુક્તિ માટે યુવકે વિનંતી કરવા છતાં, ગામલોકોએ આઘાતજનક શરત મૂકી હતી. અહેવાલો અનુસાર, ગામવાસીઓએ કપલ માટે લગ્ન કરવાની શરત મૂકી હતી. લગ્ન કર્યા બાદ જ તેઓને છોડવામાં આવશે તેમ કહેતા. પ્રેમ અને દૃઢ નિશ્ચયથી ભરપૂર આ યુવાન યુગલે સ્થળ પર જ લગ્ન કરવાનો નિર્ણય કર્યો અને બાદમાં તેમના બંનેના પરિવારના આશીર્વાદ મેળવ્યા હતા. આ ઘટનાએ આસપાસના પંથકમાં ખૂબ ચર્ચા જગાવી હતી.