આ વખતે રોયલ ચેલેન્જર્સ બેંગલુરુ તેના વર્ષો જૂના સપનાંની નજીક હોય એમ લાગે છે. ગઈ કાલે લખનૌ સુપર જાયન્ટ્સ સામે મહત્વની જીત મેળવીને મેચનો સ્ટાર ખેલાડી બનનાર ખેલાડી ક્રિકેટર નહીં પણ સૈનિક બનવા માંગતો હતો.
ગઈ કાલે એટલે કે 27 મે ના રોજ IPL 2025માં રોયલ ચેલેન્જર્સ બેંગલુરુએ લખનૌ સુપર જાયન્ટ્સ સામે IPL સિજનનો ત્રીજો સૌથી મોટો રન ચેજ કરીને ઇતિહાસ રચી દીધો. રોયલ ચેલેન્જર્સ બેંગલુરુએ અંતમાં જ્યારે 8 બોલ બાકી હતા ત્યાંજ 228 રનનો લક્ષ્યાંક હાંસલ કર્યો અને ટોપ-2 માં સ્થાન બનાવી લીધું. જીતેશ આ મહત્વપૂર્ણ મેચમાં સૌથી મોટા હીરો સાબિત થયા. ગઈ કાલની વિસ્ફોટક ઇનિંગમાં 257 ના સ્ટ્રાઇક રેટથી ફક્ત 33 બોલમાં 85 રન ફટકાર્યા. જેમાં જીતેશે 6 છગ્ગા અને 8 ચોગ્ગા ફટકાર્યા.
જીતેશ ભારતીય સેનામાં જોડાવા માંગતા હતા
જીતેશ શર્માના નાનપણની વાત કરીએ તો તેમનો જન્મ મહારાષ્ટ્રના અમરાવતીમાં થયો હતો. તેમના જણાવ્યાં મુજબ જીતેશના વિસ્તારમાં રમતગમત ફક્ત મનોરંજન માટે હતી. જીતેશ જ્યારે શાળામાં હતા ત્યારે તેમનું સપનું ભારતીય સેનામાં જોડાઈ ને દેશ સેવા કરવાનું હતું. તે સમય દરમ્યાન તેમને ખબર પડીકે મહારાષ્ટ્ર રાજ્ય બોર્ડ રાજ્ય સ્તરે રમતો રમતા વિદ્યાર્થીઓને 4 ટકા વધારે માર્કસ આપે છે .
મિત્રના કહેવાથી માર્ગ બદલાયો
જીતેશ તેના મિત્રના આગ્રહથી ટ્રાયલ આપવા હયો હતો અને ત્યાં ગયા પછી પણ, તને સમજાયુંજ નહીં કે તે બેટ્સમેન, બોલર કે પછી વિકેટકીપર માટે ફોર્મ ભરવું જોઈએ. જિતેશે જોયું કે બેટિંગ અને બોલિંગ કોલમ ખૂબજ વિધાર્થીઓના નામ હતા અને વિકેટકીપિંગમાં ફક્ત 3 નામ હતા અને આજ કારણથી તેણે તેમાં પોતાનું નામ પણ લખ્યું. અહીંથી તેનું જીવન બદલાઈ ગયું. સેનામાં જોડાવાને બદલે, તે ક્રિકેટર બન્યો.
યુટ્યુબ પરથી બેટિંગ શીખી
જિતેશ શર્માએ વર્ષ 2014 માં T20 ફોર્મેટમાં ઘરેલુ ક્રિકેટથી ક્રિકેટની દુનિયામાં પગલાં માંડ્યા હતા. જીતેશને વિજય હજારે ટ્રોફીમાં લિસ્ટ A માં ડેબ્યૂ કરવાની તક પણ મળી. 2015 માં, તેણે તેની પહેલી ફર્સ્ટ ક્લાસ મેચ રમી. શરૂઆતના દિવસોમાં જીતેશ ખૂબ આક્રમક રીતે બેટિંગ કરતો હતો. અને આજ કારણથી તે વહેલા આઉટ થઈ જતો. પછી તેને સમજાયું કે તેણે મિડલ ઓર્ડરમાં બેટિંગ કરવી જોઈએ. ઉપરાંત, બેટિંગ પર સખત મહેનત કરવાની જરૂર છે. આ પછી, જીતેશે યુટ્યુબ વિડિઓઝ જોઈને બેટિંગ શીખવાનું શરૂ કર્યું.
