સાથી બુટલેગર યુવરાજસિંહના સાસરીયાના ગામમાં છુપાઇ હતી : એટીએસની રેડ
પોલીસ પર થાર ગાડી ચલાવી દઇ અને હત્યાની કોશીષ કરવાના ગંભીર ગુન્હામાં ફરાર મહિલા પોલીસ કર્મચારી નીતા ચૌધરી અંતે ઝડપાઇ ગઇ છે. નીતા ચૌધરી તેના ભાગીદાર અને સાથી મિત્ર યુવરાજસિંહા સાસરીયાના ગામમાં છુપાઇ હોવાની એટીએસને બાતમી મળી હતી. એટીએસે સફળ દરોડો પાડી નીતા ચૌધરીને ઝડપી લીધી હતી.
ગુજરાત એટીએસએ જણાવ્યું હતું કે, ગત ૩૦ જૂનના પૂર્વ ઘટના દારૂના સૌથી મોટા બુટલેગર યુવરાજસિંહ જાડેજા સાથે પૂર્વ કચ્છ સીઆઇડી ની મહિલા કોન્સ્ટેબલ નીતા ચૌધરી દારૂ સાથે થાર કારમાં ઝડપાઈ ગઈ હતી. દારૂ લઈને આવતી વખતે રોકવાનો પ્રયાસ કરનાર ભચાઉ ના પીએસઆઇ પર નંબર પ્લેટ વગરની પોતાની થાર ગાડી ચડાવી દઈ હત્યા કરવાની પણ કોશિશ કરી હતી. જે કેસમાં અનેક ઉતાર ચઢાવ આવ્યા બાદ આખરે સેશન્સ કોર્ટ દ્વારા તેના જામીન નકારી દેવામાં આવ્યા હતા અને જેલ હવાલે કરવાનો હુકમ કરવામાં આવ્યો હતી. આ પછી તમામ રીતે અનુભવી એવી નીતા ચૌધરી કચ્છની પોલીસને થાપ આપી ભૂગર્ભમાં ઉતરી ગઈ હતી.
કચ્છ અને રેન્જ પોલીસને સફળતા મળતી નહોતી ત્યારે ગુજરાત એટીએસ જેવી એજન્સીને બાતમી મળી હતી કે, બુટલેગર યુવરાજસિંહ જાડેજા ના સાસરીયાના અમુક સંબંધી લીમડી નજીકના ગામમાં રહે છે જ્યાં આ નીતા ચૌધરીએ આશરો લીધો છે. એટીએસની ટીમ દ્વારા મંગળવારે દરોડો પાડી અને નીતા ચૌધરીને ઝડપી પાડી હતી. નીતા ચૌધરીને કચ્છ પોલીસના હવાલે કરવામાં આવી છે. ઉલ્લેખનીય છે કે, નીતા ચૌધરીએ આરોપી અને બુટલેગર એવા યુવરાજસિંહને બચાવવા માટે અનેક પ્રયત્નો કર્યા છે અને પોતાના નિવેદનમાં પણ દારૂ પોતે જ લાવી હોવાનું કબૂલ્યું છે. પૂર્વ કચ્છનો સૌથી મોટો દારૂનો બુટલેગર યુવરાજસિંહ છે. યુવરાજસિંહે નિવેદનમાં એવું પણ જણાવ્યું હતું કે છ મહિના પહેલા ઓનલાઈન નીતા સાથે સાથે તે તેની ઓળખાણ થઈ હતી અને બાદમાં તેમનાથી મિત્રતા થઈ હતી. પરંતુ તેમની મિત્રતા કેટલી ઘનિ છે તે એટીએસના દરોડા બાદ યુવરાજસિંહના સગા-વ્હાલાના ઘરમાંથી નીતા ચૌધરી મળી આવતા સ્પષ્ટ થઈ ગયું છે. હવે કચ્છ પોલીસ આ બાબતે શું કરશે તેના પર સૌની મિટ મંડાઈ છે.
