- ઓસ્ટ્રેલિયા વિરુદ્ધ ઈબ્રાહિમ ઝાદરાને રચ્યો ઈતિહાસ
- ઓસ્ટ્રેલિયા વિરુદ્ધ ફટકારી અણનમ સદી
- અફઘાનિસ્તાને બનાવ્યા 291 રન
ઈબ્રાહિમ ઝાદરાને વાનખેડે સ્ટેડિયમમાં શાનદાર ઈનિંગ રમીને પોતાના વનડે કરિયરની 5મી સદી ફટકારી છે. અફઘાનિસ્તાન ક્રિકેટ ટીમ માટે તેમણે ઓસ્ટ્રેલિયા વિરુદ્ધ 143 બોલમાં 129 રન બનાવ્યા છે. આ દરમિયાન તેમણે 7 ફોર ફટકારી છે. ઝાદરાનની આ ઈનિંગના કારણે અફઘાનિસ્તાને 50 ઓવર બાદ 5 વિકેટના નુકસાને 291 રન બનાવ્યા છે.
વર્લ્ડકપમાં અફઘાનિસ્તાન માટે વધુ રન કરનારા ખેલાડી
| રન | ખેલાડી | સ્થળ | વર્ષ |
| 101 | ઈબ્રાહિમ ઝાદરાન | મુંબઈ | 2023 |
| 96 | સમીઉલ્લાહ શિનવારી | ડુનેડિન | 2015 |
| 87 | ઈબ્રાહિમ ઝાદરાન | ચેન્નઈ | 2023 |
| 86 | ઈકરામ અલીખિલ | લીડ્સ | 2019 |
| 80 | હશમતુલ્લાહ શાહિદી | દિલ્હી | 2023 |
| 80 | રહમાનુલ્લાહ ગુરબાઝ | દિલ્હી | 2023 |
ઝાદરાનની તમામ સદી
21 વર્ષીય ઝાદરાને વનડે ફોર્મેટમાં પ્રથમ સદી 6 જૂન 2022માં ઝિમ્બાબ્વે વિરુદ્ધ ફટકારી હતી. આ મેચમાં ઝાદરાને અણનમ 121 રન બનાવ્યા હતા. જે બાદ ઝાદરાને શ્રીલંકા વિરુદ્ધ પલ્લેકેલેમાં 106 રનની શાનદાર ઈનિંગ રમી હતી. યુવા ઓપનર બેટ્સમેન આટલેથી અટક્યો નહીં. તેમણે ફરી પલ્લેકેલેમાં શ્રીલંકા વિરુદ્ધ દમદાર ઈનિંગ રમીને 162 રન બનાવ્યા હતા. ઝાદરાને ચોથી સદી ચટગાંવમાં બાંગ્લાદેશ વિરુદ્ધ ફટકારી હતી. આ મેચમાં ઝાદરાને 100 રન બનાવ્યા હતા. જે બાદ ઝાદરાને આજે મુંબઈમાં ઓસ્ટ્રેલિયા વિરુદ્ધ 143 બોલમાં અણનમ 129 રન બનાવ્યા છે.
