- ગત વર્ષે જાસૂસીની આશંકાએ 84 વર્ષીય ઓસ્ટ્રિયન નાગરિકની ધરપકડ કરી હતી
- ઓસ્ટ્રિયાએ આ માટે કતાર અને યુરોપિયન સંઘનો આભાર માન્યો
- મુક્ત કરાયેલ ઓસ્ટ્રિયન નાગરિક એક બુક પર સંશોધન કરી રહ્યા હતા
અફઘાનિસ્તાનની તાલિબાન સરકારે રવિવારે હર્બર્ટ ફ્રિટ્ઝ નામના 84 વર્ષીય ઑસ્ટ્રિયન દક્ષિણપંથી કાર્યકરને મુક્ત કર્યા હતાય જેની ગયા વર્ષે મે મહિનામાં જાસૂસીની આશંકામાં ધરપકડ કરવામાં આવી હતી. આ માટે ઓસ્ટ્રિયાએ કતારનો આભાર માન્યો છે.
ઑસ્ટ્રિયન સરકારે એક નિવેદનમાં જણાવ્યું હતું કે કતાર સરકારની મધ્યસ્થીથી ફ્રિટ્ઝની મુક્તિ સુરક્ષિત થઈ અને તે દોહા પહોંચવામાં સફળ રહ્યા હતા. ગયા વર્ષે જ્યારે ફ્રિટ્ઝની અફઘાનિસ્તાનમાં ધરપકડ કરવામાં આવી હતી, ત્યારે ઑસ્ટ્રિયન મીડિયા કહ્યું હતું કે તેણે ત્યાંના જીવન પર સકારાત્મક રિપોર્ટિંગ કર્યું હતું. મીડિયા કહ્યું હતું કે આનાથી તાલિબાન સરકારની ઈમિગ્રેશન વિરોધી દલીલોને બળ મળે છે, જેમાં તે કહે છે કે અફઘાનિસ્તાન એક સુરક્ષિત દેશ છે જ્યાં શરણાર્થીઓ પાછા આવી શકે છે.
જાસૂસીની શંકાના આધારે ધરપકડ કરવામાં આવી હતી
ડેર સ્ટાન્ડર્ડે આક્ષેપ કર્યો હતો કે તાલિબાને જાસૂસીની શંકાના આધારે ફ્રિટ્ઝની ધરપકડ કરી હતી. ઑસ્ટ્રિયન વિદેશ મંત્રાલયે જણાવ્યું હતું કે તે ફ્રિટ્ઝની મુક્તિને સુરક્ષિત કરવા માટે મે મહિનાથી કામ કરી રહ્યું છે અને તેના પરત આવવાના પ્રયત્નોમાં મદદ કરવા બદલ કતાર અને કાબુલમાં EU પ્રતિનિધિઓનો આભાર માન્યો છે. ડેર સ્ટાન્ડર્ડ અને અન્ય મીડિયા અનુસાર, ફ્રિટ્ઝ દેશની નેશનલ ડેમોક્રેટિક પાર્ટી (NDP)ના સ્થાપક સભ્ય હતા, જે 1988માં પ્રતિબંધિત દૂર-જમણેરી જૂથ હતા.
સર્વેમાં જમણેરી પક્ષ આગળ છે
આ વર્ષના અંતમાં ઓસ્ટ્રિયામાં સંસદીય ચૂંટણી યોજાવાની છે, તે પહેલા હાથ ધરવામાં આવેલા ઓપિનિયન પોલમાં અત્યંત જમણેરી ફ્રીડમ પાર્ટી આગળ ચાલી રહી છે. આ પાર્ટીએ ફ્રિટ્ઝની મુક્તિ માટે સરકાર પર દબાણ કર્યું હતું. પાર્ટીએ કહ્યું કે ફ્રિટ્ઝ અફઘાનિસ્તાનમાં એક પુસ્તક પર સંશોધન કરી રહ્યા હતા.
કતારના વિદેશ મંત્રાલયે અફઘાનિસ્તાનના તાલિબાન વહીવટીતંત્રનું નામ લીધા વિના, ઑસ્ટ્રિયન નાગરિકની મુક્તિમાં તેના સહકાર બદલ આભાર વ્યક્ત કર્યો. જો કે, ઑસ્ટ્રિયન સરકાર ફ્રિટ્ઝને અત્યંત જમણેરી પાંખ તરીકે સક્રિય માને છે.
