શહેરમાં ડમ્પરચાલકોનો આતંક યથાવત્ છે. જેમાં ખોખરામાં ડમ્પરે એક્ટિવાને અડફેટે લેતા યુવતીનું મોત નિપજ્યુ છે. તેમજ પીરાણા પાસે ડમ્પરે ટુ-વ્હીલરને ટક્કર મારતા યુવકનું મોત નિપજ્યુ છે. તેમજ એક યુવક ઇજાગ્રસ્ત થયો હતો.
ખોખરામાં રહેતી 22 વર્ષીય ખુશ્બુ ગુપ્તા એક હોસ્પિટલમાં નર્સિંગનું કામ કરતી હતી. ગત 17 ડિસેમ્બરે તે હોસ્પિટલથી એક્ટિવા લઇને ઘરે જતી હતી. ત્યારે ખોખરા ગાયત્રી ડેરીથી મદ્રાસી મંદિર પાસે ડમ્પરચાલકે એક્ટિવાને પાછળથી ટક્કર મારી હતી. જેથી ખુશ્બુ રસ્તા પર પટકાઈ પડયા હતા.
બીજી બાજુ ડમ્પરનું ટાયર ખુશ્બુના માથાના ભાગેથી ફરી વળતા ઘટના સ્થળે જ તેમનું મોત થયું હતું. આ અંગે આઇ ડિવિઝન ટ્રાફ્કિ પોલીસે ડમ્પરચાલક હવચંદ ભગોરા સામે ગુનો નોધીને તેની ધરપકડ કરી છે. બીજા બનાવમાં દાણીલીમડામાં રહેતા 22 વર્ષીય મોહમદ લઈક શરીફ્ પીંજારા ગત 14 ડિસેમ્બરે તેના મિત્ર મોહમદ મુઝીમ શેખ સાથે ટુવ્હિલર લઈને જુહાપુરા જવા માટે નિકળ્યા હતા. એચ જી ફર્મ પાસે ડમ્પર ચાલકે ટુવ્હિલરને પાછળથી ટક્કર મારી હતી. જેથી બંન્ને મિત્રો રસ્તા પર પટકાઈ પડયા હતા. આ દરમ્યાન મોહમદ લઈક પરથી ડમ્પરનું ટાયર ફરી વળ્યુ હતુ. જેથી ગંભીર ઈજાઓના કારણે તેનું સ્થળ પર જ મોત નિપજ્યું હતુ.
