અમદાવાદમાં ગેરકાયદે માછીમારી કરતા હોવાની ઘટના સામે આવી છે. અમદાવાદના સાબરમતી રિવરફ્રન્ટ પર બે યુવકો ગેરકાયદેસર રીતે માછીમારી કરી રહ્યા હતા. આ ઘટનાનો વિડિયો સોશિયલ મીડિયા પર વાયરલ થયો હતો. જે બાદ પોલીસ દ્વારા તાત્કાલિક ધોરણે ઝડપી લીધા હતા.
યુવકો રિવરફ્રન્ટ પર ફિશિંગ નેટથી માછલીઓ પકડી રહ્યા
ઘટનાની મળતી વિગતો અનુસાર, અમદાવાદ શહેરમાં આવેલા સાબરમતી રિવરફ્રન્ટ પર ગેરકાયદે માછીમારી કરતા બે યુવકોને ઝડપી લેવામાં આવ્યા છે. આ યુવકો રિવરફ્રન્ટ પર ફિશિંગ નેટથી માછલીઓ પકડી રહ્યા હતા. આ ઘટનાનો વિડિયો સોશિયલ મી઼ડિયા પર વાયરલ થયો હતો. જે બાદ રિવરફ્રન્ટ ઇસ્ટ પોલીસ દ્વારા આ બે યુવકોને ઝડપી લેવામાં આવ્યા છે.
નાક બચાવવા પોલીસ દ્વારા કાર્યવાહી
રિવરફ્રન્ટ પર ગેરકાયદેસર રીતે માછીમારી કરતા લોકો સામે અમદાવાદ મ્યુનિસિપલ કોર્પોરેશન અને ફિશિંગ ડિપાર્ટમેન્ટ દ્વારા કોઈપણ પ્રકાર પગલા લેવામાં આવી રહ્યા નથી. ગેરકાયદેસર માછીમારી કરતા વિધર્મીનો વિડિયો વાયરલ થયા બાદ નાક બચાવવા પોલીસ દ્વારા કાર્યવાહી કરવામાં આવી છે, તેમ સ્થાનિકો જણાવી રહ્યા છે.
