- અમેરિકાની આશરે 30 યુનિવર્સિટીમાં એન્ટિ ઈઝરાયલ પ્રોટેસ્ટ પહોંચ્યું
- પ્રદર્શનકારીઓએ હાર્વર્ડ યુનિવર્સિટી સંકુલમાં જૉન હાર્વડ સ્ટેચ્યૂ પર પેલેસ્ટાઈન ધ્વજ લગાવ્યો
- ગાઝામાં નરસંહારના વિરોધમાં અમેરિકામાં ઠેર-ઠેર વિરોધ પ્રદર્શન તેજ થયું
જગત જમાદાર અમેરિકામાં ઈઝરાયલ વિરુદ્ધ પેલેસ્ટાઈનના ટેકામાં વિરોધ પ્રદર્શન સતત વધતું જઈ રહ્યું છે. અમેરિકી વિદ્યાર્થીઓએ ગાઝા પટ્ટીમાં નરસંહારના વિરોધમાં માર્ગો પર ઉતરી પડયાં છે. અમેરિકાની આશરે 30 યુનિવર્સિટીમાં ઈઝરાયલ વિરુદ્ધ આંદોલન ચાલી રહ્યું છે. અત્યાર સુધી 900થી વધુ વિદ્યાર્થીઓની ધરપકડ કરવામાં આવી છે.
હાર્વર્ડ યુનિવર્સિટીમાં જ્યાં વિરોધ કરી રહેલા વિદ્યાર્થીઓએ કેમ્પસમાં જોન હાર્વર્ડની પ્રતિમા પરથી અમેરિકન ધ્વજ હટાવીને તેની જગ્યાએ પેલેસ્ટિનિયન ધ્વજ લગાવી દીધો હતો. અમેરિકાની અનેક યુનિવર્સિટીઓમાં એક પછી એક દેખાવો ઉગ્ર બની રહ્યા છે. આ ઘટના શનિવારે ત્યારે બની જ્યારે વિદ્યાર્થીઓએ પેલેસ્ટાઈનના સમર્થનમાં પ્રદર્શન સમાપ્ત કરવાનો ઈન્કાર કરી દીધો.
હાર્વર્ડના પ્રવક્તાએ આ ઘટનાને યુનિવર્સિટીની નીતિનું ઉલ્લંઘન ગણાવ્યું હતું અને કહ્યું હતું કે આ પ્રદર્શનમાં સામેલ વિદ્યાર્થીઓ સામે શિસ્તભંગના પગલાં લેવામાં આવશે. તમને જણાવી દઈએ કે કોલંબિયા યુનિવર્સિટી, ઇન્ડિયાના યુનિવર્સિટી, એરિઝોના સ્ટેટ યુનિવર્સિટી અને વોશિંગ્ટન યુનિવર્સિટી સહિત અમેરિકાના લગભગ 900 વિદ્યાર્થીઓની ધરપકડ કરવામાં આવી છે
અગાઉ, સેંકડો વિદ્યાર્થીઓએ સધર્ન કેલિફોર્નિયા કેમ્પસમાં ટેન્ટ લગાવીને પ્રદર્શન કર્યું હતું. કેટલાક વિરોધ કરી રહેલા વિદ્યાર્થીઓ અને યુનિવર્સિટીના સુરક્ષા વિભાગના અધિકારીઓ વચ્ચે ઘર્ષણ થતાં પરિસ્થિતિ વધુ વણસી હતી. બાદમાં પોલીસને પણ સ્થળ પર બોલાવવી પડી હતી. તેવી જ રીતે, સેંકડો વિદ્યાર્થીઓએ હાર્વર્ડ યુનિવર્સિટીના યાર્ડ કેમ્પસમાં ઈમરજન્સી રેલીનું પણ આહ્વાન કર્યું હતું. આ બધું ત્યારે થયું જ્યારે યુનિવર્સિટીએ માત્ર આઈડી ધારક વિદ્યાર્થીઓને કેમ્પસમાં પ્રવેશવાનો આદેશ જારી કર્યો હતો. યુએસ સંસદના નીચલા ગૃહ, હાઉસ ઓફ રિપ્રેઝન્ટેટિવ્સના સ્પીકર માઈક જોન્સને પરિસ્થિતિને સંભાળવા માટે નેશનલ ગાર્ડ્સ તૈનાત કરવાનું સૂચન કર્યું હતું. તમને જણાવી દઈએ કે અમેરિકામાં મોટા ખતરાનો સામનો કરવા માટે નેશનલ ગાર્ડ્સ તૈનાત છે.
શું છે આંદોલનકારી વિદ્યાર્થીઓની માંગ?
અમેરિકામાં વિરોધ કરી રહેલા હજારો વિદ્યાર્થીઓએ ગાઝામાં કાયમી યુદ્ધવિરામની માંગ કરી છે. આ સાથે તેણે અમેરિકા દ્વારા ઈઝરાયેલને આપવામાં આવતી સૈન્ય મદદ રોકવાની પણ માંગ કરી છે. યુનિવર્સિટી સત્તાવાળાઓ અને પોલીસ અધિકારીઓએ પ્રદર્શનકારીઓ સામે કાર્યવાહી કરી છે. કોલંબિયા સહિત ઘણી યુનિવર્સિટીઓના સેંકડો વિદ્યાર્થીઓને સસ્પેન્ડ કરવામાં આવ્યા છે.
બાઈડેન અને નેતન્યાહૂએ શું કહ્યું ?
અમેરિકામાં ઈઝરાયલ વિરોધી પ્રદર્શનને ઈઝરાયલના વડાપ્રધાન બેંઝામિન નેતન્યાહૂએ ખતરનાક જણાવ્યું. તેમને આ પ્રદર્શનને રોકવા માટે કડક કાર્યવાહીની માંગ કરી છે. એટલું જ નહિ નેતન્યાહૂએ આ પ્રદર્શનોની સરખામણી નાઝી જર્મની સાથે પણ કરી દીધી હતી. વ્હાઈટ હાઉસે આ પ્રદર્શનોને વખોડતા આની સરખામણી આતંકવાદીઓની ભાષા સાથે કરી છે. જ્યારે અમેરિકી રાષ્ટ્રપતિ જો બાઈડેને આને ટીકા કરી છે. બાઈડેને મીડિયાને જણાવ્યું કે ઈઝરાયલ વિરુદ્ધ થતા પ્રદર્શનોને વખોડયા હતા તેમજ એવા લોકોની પણ ટીકા કરી કે જેઓ પેલેસ્ટાઈનમાં શું ચાલી રહ્યું છે તેની ખબર નથી
