દક્ષિણ અમેરિકાના શહેર ન્યૂ ઓર્લિયન્સમાં એક ભયાનક અકસ્માત થયો છે. નવા વર્ષના પ્રથમ દિવસે એક ઝડપી પીકઅપ ટ્રક ભીડમાં ઘુસી ગઈ હતી. આ અકસ્માતમાં 10 લોકોના મોત થયા છે. જ્યારે 20થી વધુ લોકોને ગંભીર ઇજાઓ પહોંચી છે. પ્રત્યક્ષદર્શીઓએ જણાવ્યું કે અકસ્માત બાદ ડ્રાઈવર ટ્રકમાંથી બહાર આવ્યો અને તેણે ગોળીબાર શરૂ કર્યો.
દક્ષિણ અમેરિકાના શહેર ન્યૂ ઓર્લિયન્સમાં એક ભયાનક અકસ્માત થયો છે. નવા વર્ષના પ્રથમ દિવસે એક ઝડપી પીકઅપ ટ્રક ભીડમાં ઘુસી ગઈ હતી. આ અકસ્માતમાં 10 લોકોના મોત થયા છે. સ્થાનિક અહેવાલના જણાવ્યા મુજબ, લુઇસિયાના શહેરમાં લોકપ્રિય પર્યટન સ્થળ ફ્રેન્ચ ક્વાર્ટરમાં બોર્બોન સ્ટ્રીટ પર ભારે ભીડ એકઠી થઈ હતી. આ દરમિયાન કારને અકસ્માત નડ્યો હતો. પ્રત્યક્ષદર્શીઓએ જણાવ્યું કે ડ્રાઈવર ભીડમાં ટ્રકમાંથી બહાર આવ્યો અને ફાયરિંગ શરૂ કર્યું.
પોલીસે લોકોને અપીલ કરી
પ્રત્યક્ષદર્શીઓના નિવેદનો અને ઘણી સોશિયલ મીડિયા પોસ્ટ્સ પરથી જાણવા મળ્યું છે કે અકસ્માત ખૂબ જ ભયાનક હતો. અકસ્માત બાદ ઘણા વીડિયો ફૂટેજ અને ફોટોગ્રાફ્સ પણ સામે આવ્યા છે. જેમાં પોલીસના વાહનો અને એમ્બ્યુલન્સ ચારરસ્તાની આસપાસ ઉભેલી જોવા મળી હતી. અધિકારીઓ મામલાની તપાસમાં વ્યસ્ત છે. પોલીસે લોકોને અત્યારે આ વિસ્તારમાં મુસાફરી કરવાનું ટાળવા કહ્યું છે.
ઘટનાસ્થળે સુરક્ષા વધારી દેવાઇ
ઓર્લિયન્સમાં અકસ્માત બાદ થયેલી ફાયરિંગની ઘટના બાદ આ વિસ્તારમાં સુરક્ષા વ્યવસ્થા વધારી દેવામાં આવી છે. અધિકારીઓ તપાસ કરી રહ્યા છે. ટ્રક ચાલકને પકડવા માટે કાર્યવાહી હાથ ધરી છે. હાલમાં ઓર્લિયન્સમાં ઈમરજન્સી જેવી સ્થિતિ છે.
