ઈઝરાયેલ-હમાસ યુદ્ધ વચ્ચે ભારતના મિત્રદેશ પર હુમલો, અમેરિકાને પણ ખતરો

• હમાસના સમર્થનમાં યમનના હુમલા
  
• પહેલા અમેરિકાના જહાજ પર થયો હતો હુમલો
  
• હવે ફ્રાંસના જહાજ પર હુમલાની કોશિશ
  

ઈઝરાયેલ-હમાસ યુદ્ધ વચ્ચે લાલ સમુદ્ર એક નવું યુદ્ધક્ષેત્ર બની ગયું છે. હમાસના સમર્થનમાં યમન લાલ સમુદ્રમાં હાજર અમેરિકન અને અન્ય દેશોના યુદ્ધ જહાજોને સતત નિશાન બનાવી રહ્યું છે. આ વખતે ફ્રાન્સના યુદ્ધ જહાજ પર ડ્રોન હુમલો થયો છે. ફ્રાન્સના અધિકારીઓએ જણાવ્યું હતું કે હુમલો કરનાર ડ્રોન યમનથી આવતું જોવા મળ્યું હતો.

ઇઝરાયેલ-હમાસ યુદ્ધમાં યમન પણ કૂદી પડ્યું છે. હમાસના સમર્થનમાં યમને પહેલા ઈઝરાયેલની સેના સાથે યુદ્ધ શરૂ કર્યું અને હવે ઈઝરાયલ તરફી દેશો પર પણ હુમલા કરવા લાગ્યા છે. ઈઝરાયેલ-હમાસ યુદ્ધમાં યુરોપ અને ગલ્ફના દેશો જે રીતે આમનેસામને આવ્યા છે, તેનાથી ત્રીજા વિશ્વયુદ્ધનો ભય પેદા થયો છે. યમન હમાસના આતંકવાદીઓને ખુલ્લેઆમ સમર્થન આપી રહ્યું છે. યમને પણ ઈઝરાયેલને સમર્થન આપતા દેશોને નિશાન બનાવવાનું શરૂ કરી દીધું છે. યમનના હૂથી બળવાખોરોએ અગાઉ ગાઝા અને હમાસમાં ઇઝરાયલી દળો પર અનેકવાર હુમલા કર્યા છે. હવે યમન અમેરિકા અને ફ્રાન્સ જેવા ઈઝરાયેલના સમર્થક દેશોને નિશાન બનાવી રહ્યું છે. તાજેતરના કિસ્સામાં, ડ્રોન હુમલા દ્વારા ફ્રેન્ચ યુદ્ધ જહાજને નિશાન બનાવવામાં આવ્યું છે. ફ્રાન્સની સેનાના જણાવ્યા અનુસાર, તેના યુદ્ધ જહાજ પર ડ્રોન હુમલો કરવામાં આવ્યો છે, જે પેલેસ્ટાઈનથી આવતું જોવા મળ્યું હતું.

મહત્વનું છે કે યુરોપમાં ફ્રાન્સ એ ભારતનું મિત્ર દેશ છે. ભારતે હમણાં જ ફ્રાન્સ પાસેથી રાફેલ વિમાનો ખરીદ્યા હતા. મેંક્રોના આવ્યા પછી મોદી સરકારની સાથે ફ્રાન્સના સંબંધો મજબૂત થયા છે. હાલમાં ભારત ફ્રાન્સ પાસેથી અનેક શસ્ત્રો અને મિસાઈલો ખરીદી રહ્યું છે. ઉલ્લેખનીય છે કે ભારત પણ ઈઝરાયેલ અને હમાસના યુદ્ધની વિરુદ્ધમાં છે અને બંને દેશો વચ્ચે શાંતિની હિમાયત કરે છે. જો કે આ વખતે ફ્રાન્સ પર હુમલો થતા ભારત શું પ્રતિક્રિયા આપશે તેના પર પણ વિશ્વના નેતાઓની નજર રહે છે. ફ્રાન્સે રવિવારે કહ્યું હતું કે લાલ સમુદ્રમાં તેના એક યુદ્ધ જહાજને યમનથી આવતા બે ડ્રોન દ્વારા નિશાન બનાવવામાં આવ્યું હતું. ત્યારબાદ બંને ડ્રોનને તોડી પાડવામાં આવ્યા હતા. સૈન્ય મંત્રાલય દ્વારા જારી કરાયેલા સંક્ષિપ્ત નિવેદનમાં શનિવારે રાત્રે ફ્રેન્ચ નૌકાદળના લેંગ્યુડોક જહાજ પર હુમલો કરવા માટે ડ્રોન કોણે મોકલ્યા હતા તે જણાવ્યું નથી. નિવેદનમાં કહેવામાં આવ્યું છે કે ડ્રોન બે કલાકના અંતરાલમાં એક પછી એક સીધા જહાજ તરફ આવ્યા. યુદ્ધ જહાજે આ ડ્રોનને લાલ સમુદ્રથી લગભગ 110 કિલોમીટરના અંતરે તોડી પાડ્યા હતા. નિવેદનમાં એ સ્પષ્ટ કરવામાં આવ્યું નથી કે ડ્રોનને મારવા માટે યુદ્ધ જહાજમાંથી કયા હથિયારોનો ઉપયોગ કરવામાં આવ્યો હતો.

લાલ સમુદ્ર યુદ્ધનું નવું ક્ષેત્ર

ઈઝરાયેલ-હમાસ યુદ્ધ વચ્ચે હવે લાલ સમુદ્ર એક નવું યુદ્ધ મેદાન બની ગયું છે. થોડા દિવસ પહેલા જ અજ્ઞાત હુમલાખોરોએ આ જ લાલ સમુદ્રમાં અમેરિકન યુદ્ધ જહાજને નિશાન બનાવ્યું હતું. આ ઘટનાના 10 દિવસની અંદર હવે ફ્રેન્ચ યુદ્ધ જહાજને નિશાન બનાવવામાં આવ્યું છે. અધિકારીઓના જણાવ્યા અનુસાર યમનના યુદ્ધ જહાજ પર જે ડ્રોન હુમલો કર્યો હતો તે અમેરિકન હતા.ત્યારે હવે ફ્રાન્સના જહાજ પર પણ હુમલો કરાયો છે.