‘હું ભારતનો ફેન છું’ ટ્રંપના વાણિજ્યિક મંત્રી હોવર્ડ લટનકિએ એક કાર્યક્રમમાં ભારતને લઈને આ મહત્વપૂર્ણ નિવેદન આપ્યું. વોશિંગટન ડીસીમાં અમેરિકા અને ભારત વચ્ચે વ્યાપારિક સંબંધોને લઈને યોજાયેલ એક ફોરમમાં હોવર્ડ લુટનિક દ્વારા ભારત સંબંધિત અપાયેલ આ નિવેદનને વધુ મહત્વપૂર્ણ માનવામાં આવી રહ્યું છે. ટ્રમ્પના ટેરિફ મામલાની નીતીને લઈને દુનિયાના દેશો પરેશાન છે ત્યારે ભારતમાં પણ કેટલીક વસ્તુઓ પર ભારે ટેરિફ લાદવામાં આવ્યો હતો. જેના બાદ હાલમાં અમેરિકા ભારત રણનીતિક સંયુક્ત મંચ (US India Strategic Partnership Forum) માં વાણિજ્યિક મંત્રી હોવર્ડ લુટનિકએ ભારત અને અમેરિકા સાથેના સંબંધોને લઈને અનેક મહત્વની વાતો કરી.
હું ભારતનો મોટો પ્રશંસક
અમેરિકા ભારત રણનીતિક સંયુક્ત મંચ ફોરમમાં હોવર્ડ લુટનિકએ કહ્યું કે હું ભારતનો મોટો પ્રશંસક છું. મારા ખાસ મિત્રો પણ ભારતીય છે. જ્યારે પણ મેં ભારતની મુલાકાત કરી ત્યારે હું વધારે આનંદિત થયો છું. ભારતમાં વૈવિધ્યતા અને અલગ-અલગ પ્રદેશી સંસ્કૃતિ હંમેશા મને આકર્ષિત કરતી રહી છે. આ દેશમાં ક્રિકેટ રમત પ્રત્યેનો જુસ્સો જબરો છે. ભારત પ્રવાસમાં હું જયારેપણ કોઈ હાઉસ પાર્ટીમાં સામેલ થયો હોઉ ત્યારે ત્યાં સંગીત સાથે ક્રિકેટની રમતના આનંદનો પણ લાભ લીધો છો. ભારતમાં વિતાવેલી ક્ષણો હંમેશા મારા સ્મૃતિપટ પર અંકિત થયેલ છે.
પીએમ મોદી અને ટ્રમ્પની કરી પ્રશંસા
આ કાર્યક્રમમાં હોવર્ડ લુટનિક ભારત અને અમેરિકા કઈ રીતે સમાન છે તેને લઈને વાત કરી હતી. તેમણે કહ્યું કે ભારતીય લોકો જે રીતે વડાપ્રધાન નરેન્દ્ર મોદીને મોટી સંખ્યામાં જનાદેશ આપી પોાતનો પ્રેમ દર્શાવ્યો છે. તે રીતે ટ્રમ્પને અમેરિકાના લોકોએ પણ બહુમતી આપી પોતાના રાષ્ટ્રપતિ તરીકે પસંદ કર્યા. આ બંને નેતાઓના ગુણ પણ અનેક રીતે સમાન છે. બંને નેતાઓ પોતાના રાષ્ટ્રપ્રત્યે સમર્પિત છે. બંને નેતાઓમાં જુસ્સો જબરો છે. જે રીતે બંને નેતાઓને લોકોનો પ્રેમ મળ્યો તેવું બહુ ઓછા લોકોને મળે છે. ટ્રમ્પ અને મોદી બંનેમાં રહેલ આ સમાનતાના કારણે જ અમેરિકા અને ભારતના સંબંધો અત્યારે વધુ સુદઢ બન્યા છે.
ભારત અને અમેરિકાને ટ્રેડ ડીલથી ફાયદો
વધુમાં તેમણે કહ્યું કે ભારત અત્યારે પહેલા કરતાં મજબૂત સ્થિતિમાં છે. વ્યાપાર મામલાની રણનીતિ હોય કે સુરક્ષા મામલે કોઈપણ દેશ વધુ સારા પગલા લે તેની અસર થાય છે. ભારત દ્વારા અત્યારે તમામ સ્તરે જે પ્રકારે મહત્વના નિર્ણયો લેવાયા છે હું તેની પ્રશંસા કરું છું. કારણ કે પહેલાના સમયમાં આવા નિર્ણયો લેવામાં વધુ સમય થતો હતો ત્યારે જયારે અત્યારે પીએમ મોદીના મજબૂત નેતૃત્વના કારણે વ્યાપાર, સુરક્ષા અને આતંકવાદને ટક્કર આપવામાં ભારતની શક્તિ દુનિયાએ પણ જોઈ. મને લાગે છે કે ભારત અને અમેરિકા વચ્ચે બહુ જલદી એક વ્યાપાર સમજૂતી થઈ શકે છે કારણ કે અમને એવા માર્ગ મળ્યો છે જેના કારણે બંને દેશોને તેનો લાભ મળશે. ટ્રેડ ડીલથી બંને દેશોને લાભ થશે.
