સનરાઈઝર્સ હૈદરાબાદના CEO કાવ્યા મારન IPL દરમિયાન તેમની સુંદરતાને કારણે સમાચારમાં હતા. સાથે જ તેમનું નામ ઘણા ક્રિકેટરો સાથે પણ જોડાયું હતું પરંતુ હવે એવા અહેવાલો છે કે કાવ્યા ટૂંક સમયમાં સાઉથ ઈન્ડસ્ટ્રીના પ્રખ્યાત સિંગર અનિરુદ્ધ રવિચંદર સાથે લગ્ન કરવા જઈ રહી છે.
કાવ્યા-અનિરુદ્ધ એક વર્ષથી ડેટિંગ કરી રહ્યા હોવાની ચર્ચા
હકીકતમાં એક પોસ્ટમાં દાવો કરવામાં આવ્યો છે કે, સંગીતકાર અનિરુદ્ધ રવિચંદર અને સન ટીવીના કલાનિધિ મારનની પુત્રી અને સનરાઇઝર્સ હૈદરાબાદ આઈપીએલ ટીમના માલિક કાવ્યા મારન રિલેશનશિપમાં છે. બંને એક વર્ષથી ડેટિંગ કરી રહ્યા છે અને હવે બંને તેમના સંબંધને લગ્નમાં ફેરવવા માંગે છે. બંનેના લગ્નના સમાચાર સાંભળતા જ ફેન્સ ખુશીથી ઉછળ્યા છે અને દરેક વ્યક્તિ હવે આ બંનેના લગ્નની આતુરતાથી રાહ જોઈ રહ્યા છે.
કાવ્યા મારન કરોડોની માલિક
સનરાઈઝર્સ હૈદરાબાદના સીઈઓ કાવ્યા મારન સન ગ્રુપના માલિક કલાનિધિ મારનની પુત્રી છે. તે પોતાની સુંદરતા અને સ્ટાઇલને કારણે ક્રિકેટના મેદાન પર ઘણી ચર્ચામાં રહે છે. અહેવાલો અનુસાર, કાવ્યાની સંપત્તિ લગભગ 409 કરોડ રૂપિયા છે. તેના પિતા કલાનિધિ મારન સન ટીવી નેટવર્કના માલિક છે. તેમની કુલ સંપત્તિ 19,000 કરોડ રૂપિયાથી વધુ છે. આવી સ્થિતિમાં, કાવ્યા પાસે કરોડોની સંપત્તિ છે.
અનિરુદ્ધ રવિચંદર કોણ છે ?
અનિરુદ્ધ રવિચંદર વિશે વાત કરીએ તો, તે સાઉથ ભારતીય ફિલ્મ ઈન્ડસ્ટ્રીના ટોચના સંગીતકાર અને સિંગરોમાંથી એક છે. તેમને ધનુષ સાથે ‘વ્હાય ધીસ કોલાવેરી દી’ ગીત ગાઈને ખરી ખ્યાતિ મળી હતી. આજે તેઓ પોતાના દમ પર કરોડોના માલિક પણ બની ગયા છે. અહેવાલો અનુસાર, તેમની સંપત્તિ લગભગ 50 કરોડ રૂપિયા છે. તમને જણાવી દઈએ કે અનિરુદ્ધનો સાઉથ સુપરસ્ટાર રજનીકાંત સાથે પણ ગાઢ સંબંધ છે. તે રજનીકાંતનો ભત્રીજો છે.
