પંજાબ કિગ્સ અને રોયલ ચેલેન્જર્સ બેંગ્લુરુની વચ્ચે વિશ્વના સૌથી મોટા ક્રિકેટ સ્ટેડિયમ નરેન્દ્ર મોદી સ્ટેડિયમમાં IPL 2025ની ફાઈનલ મેચ રમાઈ રહી છે. ત્યારે સૌપ્રથમ બેંગ્લુરુની ટીમે બેટિંગ કરતા 190 રન બનાવ્યા છે. જેમાં વિરાટ કોહલીએ 43 રન ફટકાર્યા છે. ત્યારે ફાઈનલની મેચમાં જ્યારે વિરાટ કોહલી આઉટ થયો તો સ્ટેડિયમમાં સન્નાટો છવાઈ ગયો હતો.
ફેન્સની આશા પર ફરી વળ્યું પાણી
વિરાટ કોહલી આઉટ થતાં જ સ્ટેન્ડમાં બેઠેલી તેની પત્ની અનુષ્કા શર્માના ચહેરાના હાવભાવ જ બદલાઈ ગયા અને ચોંકી ઉઠી હતી. વિરાટ કોહલી તે સમયે આઉટ થયો જ્યારે ટીમને તેમની સૌથી વધારે જરૂર હતી. ફેન્સને આશા હતી કે સેટ થઈને બેટિંગ કરી રહેલા દિગ્ગજ ભારતીય બેટ્સમેન લાંબી ઈનિંગ રમશે પણ આ આશા પર પાણી ફરી વળ્યું હતું.
RCBને સપોર્ટ કરવા પહોંચી હતી અનુષ્કા શર્મા
તમને જણાવી દઈએ કે અનુષ્કા શર્મા RCBની દરેક મેચમાં ટીમને સપોર્ટ કરવા માટે સ્ટેડિયમમાં પહોંચી જાય છે. ત્યારે આજે પણ સફેદ શર્ટ અને બ્લુ ડેનિમમાં અનુષ્કા શર્મા પોતાના પતિ વિરાટ કોહલી અને આરસીબીને સપોર્ટ કરવા માટે નરેન્દ્ર મોદી સ્ટેડિયમમાં પહોંચી હતી. જો કે વિરાટ જ્યારે આઉટ થયો તો અનુષ્કા હેરાન થઈ ગઈ હતી અને તેનું રિએક્શન હાલમાં સોશિયલ મીડિયામાં ખુબ જ વાયરલ થઈ રહ્યું છે. ઉલ્લેખનીય છે કે આ મેચમાં વિરાટ કોહલી 35 બોલમાં 43 રન બનાવીને આઉટ થયો છે. અફઘાનિસ્તાનના ખેલાડી અજમતુલ્લાહ ઉમરજઈએ કોહલીને પોતાનો શિકાર બનાવ્યો હતો.
