- જ્યોર્જિયા સ્ટેટ સેનેટ માટે ચૂંટણી લડી રહ્યા છે અશ્વિન રામાસ્વામી
- અશ્વિન રામાસ્વામીના માતા-પિતા 1990માં અમેરિકા ગયા હતા
- તેઓ વર્તમાન રિપબ્લિકન શૉન સ્ટિલની જગ્યા લઈ શકે તેવી આશા
US પાર્લામેન્ટ અથવા સ્ટેટ સેનેટ માટે ચૂંટણી લડનારા અશ્વિન રામાસ્વામી જનરેશન Zમાંથી પ્રથમ ભારતીય-અમેરિકન બન્યા છે. આ સમુદાયમાંથી ઉભરી રહેલી યુવા રાજકારણીઓની નવી પેઢીનું સૂચક છે. રામાસ્વામીના માતા-પિતા 1990માં તમિલનાડુથી અમેરિકા આવ્યા હતા.
જનરેશન ઝેડ જેને જૂમર્સ તરીકે પણ ઓળખવામાં આવે છે તેમ 1997 અને 2012 દરમિયાન જન્મેલ લોકોનો સમાવેશ થાય છે. 24 વર્ષીય અશ્વિન રામાસ્વામીએ તાજેતરમાં એક ઇન્ટરવ્યૂમાં જણાવ્યું હતું કે, ‘હું મારા સમુદાયનો આભાર વ્યકત કરવા અને તેમની સેવા કરવા માટે જ્યોર્જિયા સ્ટેટ સેનેટ માટે ચૂંટણી લડી રહ્યો છું.’
રામાસ્વામી બીજી પેઢીના ભારતીય-અમેરિકન
રામાસ્વામીએ વધુમાં જણાવ્યું હતું કે, ‘હું સુનિશ્ચિત કરવા માંગુ છું કે દરેકને તે તક મળે જે મોટા થયા બાદ મને મળી હતી. હું સુનિશ્ચિત કરવા માંગુ છું કે અમારી પાસે નવો અવાજ હોય, જેઓ યુવા છે, જેઓ રાજકારણમાં બિનપરંપરગત પૃષ્ઠભૂમિ માંથી આવે છે. કારણ કે તે વાસ્તવમાં મહત્વપૂર્ણ છે કે અમારી પાસે એવા લોકો હોય જે અમારું પ્રતિનિધિત્વ કરે, ન માટે એવા લોકો જે તે કરવા માટે સક્ષમ હોય.”
રામાસ્વામી બીજી પેઢીના ભારતીય-અમેરિકન છે અને તેમણે સોફ્ટવેર એન્જિનિયરિંગ, ચૂંટણી સુરક્ષા અને ટેકનોલોજી કાયદો અને નીતિ સંશોધનમાં પોતાનું કેરિયર બનાવ્યું છે. તેઓ જ્યોર્જિયાના જિલ્લા-48માં સ્ટેટ સેનેટ માટે ડેમોક્રેટ પાર્ટી તરફથી ચૂંટણી લડી રહ્યા છે.
વર્તમાન રિપબ્લિકનની જગ્યા લઈ શકે છે રામાસ્વામી
રામાસ્વામી એક ડેમોક્રેટ છે અને તેઓ વર્તમાન રિપબ્લિકન શૉન સ્ટિલની જગ્યા લેવાની આશા રાખી રહ્યા છે, જેમના પર 6 જાન્યુઆરીના રોજ પૂર્વ રાષ્ટ્રપતિ ડોનાલ્ડ ટ્રમ્પની સાથે અમેરિકન કેપિટલ (સંસદ પરિસર)માં હોબાળો કરવાનો આરોપ લગાવવામાં આવ્યો હતો.
રામાસ્વામી ચૂંટણી જીતે છે તો તેઓ જ્યોર્જિયામાં જનરેશન ઝેડના પહેલા સ્ટેટ સેનેટર બનશે. તેમજ, કમ્પ્યુટર સાયન્સ અને કાયદો બંનેની ડિગ્રીઓ ધરાવનાર સેનેટર તરીકેની સિદ્ધિ મેળવનાર પ્રથમ સેનેટર પણ તેઓ જ હશે.
દરેક વ્યક્તિને ગુણવત્તાપૂર્ણ શિક્ષણ મળે તે જરૂરી: રામાસ્વામી
એક પ્રશ્નના જવાબમાં રામાસ્વામીએ કહ્યું હતું કે, “દરેક વ્યક્તિને આ સુનિશ્ચિત કરવું જોઈએ કે તેમણે ગુણવત્તાપૂર્ણ શિક્ષણ મેળવેલ હોય. અમે આ સુનિશ્ચિત કરવા માંગીએ છીએ કે લોકોને નોકરીઓ અને અર્થવ્યવસ્થા, ઉદ્યોગ સાહસિકતાની સાથે સાથે સ્વાસ્થ્ય સેવા, પ્રજનન અધિકાર અને આપણાં માટે મહત્વ ધરાવતા તમામ મુદ્દાઓ સુધી પહોંચવાની તક મળે. એટલે જ હું ચૂંટણી લડી રહ્યો છું.”
અશ્વિન રામાસ્વામીના માતા-પિતા ઇન્ફોર્મેશન ટેક્નોલોજી (IT) સેક્ટર સાથે સંકળાયેલા છે. તેમણે કહ્યું કે, ‘મારા માતા-પિતા બંને 1990ના દશકમાં અમેરિકા આવ્યા હતા. તેઓ તમિલનાડુથી હતા. મારા માતા ચેન્નાઈથી છે અને મારા પિતા કોઈમ્બતુરથી છે. મારુ ભણતર અને ગણતર ભારતીય અને અમરિકન સંસ્કૃતિની વચ્ચે થયું છે. હું એક હિન્દુ છું. મને મારા સમગ્ર જીવનમાં ભારતીય સંસ્કૃતિ, દર્શનમાં ઘણો રસ રહ્યો છે. તેમણે વધુમાં જણાવ્યું કે તેઓ ચિન્મય મિશન બાલવિહાર ગયા જ્યાં તેમણે રામાયણ, મહાભારત અને ભગવદ ગીતા જેવા મહાકાવ્યો અંગે ઘણું વાંચ્યું હતું.
