- એશિયન ચેમ્પિયન ટ્રોફી 2023
- સલીમા ટેટેના ફીલ્ડ ગોલથી ભારતને મળી લીડ
- ભારતે મહિલા એશિયન ચેમ્પિયન્સ ટ્રોફીમાં કોરિયાને હરાવ્યું
ઝારખંડ મહિલા એશિયન ચેમ્પિયન્સ ટ્રોફી 2023ના લીગ તબક્કાની છેલ્લી મેચમાં ભારતે કોરિયાને 5-0થી હરાવ્યું અને તેની પાંચમી જીત નોંધાવી છે. આજે અહીં ભારત અને કોરિયા વચ્ચે રમાયેલી લીગ સ્ટેજની મેચની છઠ્ઠી મિનિટે સંગીતાના શાનદાર પાસને કારણે સલીમા ટેટેએ ફિલ્ડ ગોલ કરીને ભારતને લીડ અપાવી હતી. મેચની 36મી મિનિટે ભારતને મળેલા પેનલ્ટી કોર્નરને નવનીત કૌરે કન્વર્ટ કરીને સ્કોર 2-0 કર્યો હતો.
36મી મિનિટે સલીમા ટેટેએ ત્રીજો ગોલ કર્યો
36મી મિનિટે જ સલીમા ટેટેએ ત્રીજો શાનદાર ફિલ્ડ ગોલ કરીને ભારતનો સ્કોર 3-0 કર્યો હતો. વંદના કટારિયાએ 49મી મિનિટે નવનીત કૌરના શાનદાર પાસ પર ચોથો ગોલ કર્યો હતો. નેહાએ ભારત માટે પાંચમો ગોલ રમતની સાત સેકન્ડ પહેલા કર્યો અને આ સાથે ભારતે મેચ 5-0થી મેચ જીતી છે.
થાઈલેન્ડ સામે મલેશિયાની જીત
અગાઉ અન્ય એક મેચમાં મલેશિયાએ થાઈલેન્ડને 2-0થી હરાવ્યું હતું. થાઈલેન્ડ અને મલેશિયા વચ્ચેની મેચની શરૂઆત ઘણી ધીમી રહી હતી. મેચના પ્રથમ ક્વાર્ટરમાં બંને ટીમો એકપણ ગોલ કરી શકી નહતી. બીજા ક્વાર્ટરમાં મલેશિયાની મોહમ્મદ નૂરે 25મી મિનિટે પહેલો ગોલ કર્યો હતો. આ પછી મેચના ચોથા ક્વાર્ટરની 52મી મિનિટે મલેશિયાના નૂર યાસિનીએ બીજો ગોલ કર્યો હતો. મલેશિયાએ અંત સુધી પોતાની લીડ જાળવી રાખી હતી અને થાઈલેન્ડને 2-0થી હરાવ્યું હતું. મલેશિયાએ અત્યાર સુધીમાં પાંચ મેચ રમી છે, જેમાં એકમાં જીત, એક ડ્રો અને ત્રણમાં હાર થઈ છે. જ્યારે થાઈલેન્ડ અત્યાર સુધી રમાયેલી પાંચેય મેચ હારી ગયું છે.
