અમેરિકાની સ્પેસ એજન્સી નાસાએ એકવાર ફરીથી વિશ્વને ચેતવણી જાહેર કરી છે. નવા એલર્ટ અનુસાર, ધરતીથી આજે ફરી ત્રણ એસ્ટ્રોયડ અથડાઈ શકે છે. જેના લીધે ધરતી પર ભૂકંપ આવી શકે છે. ભીષણ તોફાન અને ધરતીકંપનો ખતરો તોળાઈ રહ્યો છે. કોઈ કુદરતી હોનારત ધરતીના કોઈ ખૂણે વિનાશનું કારણ બની શકે છે. આવામાં નાસાએ આખી દુનિયાના લોકોને સાબદાં રહેવા જણાવ્યું છે. ઉપરાંત નાસાના વૈજ્ઞાનિકો આ એસ્ટ્રોયડની ગતિ પર સતત નજર રાખી રહ્યા છે.
એસ્ટ્રોયડ અથડાશે નહિ તો ધ્રૂજારી જરૂર અનુભવાશે
નાસાની જેટ પ્રોપલ્સન લેબોરેટરી 20 સપ્ટેમ્બરે પૃથ્વીની નજીકથી પસાર થતા ત્રણ એસ્ટ્રોયડ પર બારીક નજર રખાઈ રહી છે. જો કે, આ એસ્ટ્રોયડ ધરતી માટે કોઈ ખતરો પેદા નહીં કરે. પરંતુ જો અવકાશ વિશ્વમાં અચાનક કોઈ ગતિવિધિ થઈ અથવા સૌર તોફાન આવ્યું તો આ એસ્ટ્રોયડની દિશા બદલાઈ શકે છે. જે ધરતી તરફ જઈ શકે છે. આ એસ્ટ્રોયડનું નામ 2024 RJ1, RH14, RD15 છે. જે આજે રાત્રે કોઈપણ સમયે ધરતીની પાસેથી પસાર થઈ શકે છે. જો અથડામણ નહીં થયું તો આની પાસેથી પસાર થતા ધ્રૂજારી અનુભવાશે.
આ ત્રણેય એસ્ટરોઈડનું કદ અને ઝડપ આવી હશે
મળતી માહિતી અનુસાર, પહેલો એસ્ટરોઇડ 2024 RJ1 આશરે 130 ફૂટ પહોળો છે. તે પૃથ્વીથી 3,660,000 માઈલના અંતરેથી પસાર થશે. આ અંતર વૈજ્ઞાનિકોને તેના માર્ગ અને તેની રચનાનો વિગતવાર અભ્યાસ કરવાની તક આપશે. બીજો એસ્ટરોઈડ 2024 RH14 લગભગ 60 ફૂટ પહોળો છે. તે 1,730,000 માઈલના અંતરે ઉડીને પૃથ્વીની નજીક આવશે. ત્રીજો એસ્ટરોઇડ 2024 RD15 લગભગ 51 ફૂટ પહોળો છે. તે પૃથ્વીથી લગભગ 4,450,000 માઈલ દૂર હશે. જો કે આ ત્રણેયથી બહુ જોખમ નથી, પરંતુ તેમની ગતિવિધિઓ પર નજર રાખવી જરૂરી છે.
