ફ્રાન્સના સૌથી મોટા એરપોર્ટ પર મુસ્લિમોએ નમાઝ અદા કરીને મચાવ્યો હંગામો

• પેરિસના એરપોર્ટ પર મુસ્લિમ મુસાફરોએ નમાઝ અદા કરી
• નમાઝમાં ભાગ લેતા મુસ્લિમ મુસાફરોની તસવીરોએ વિવાદ જગાવ્યો
• એરપોર્ટ પર કડક નિયમો લાગુ કરવાની પ્રતિબદ્ધતા વ્યક્ત કરી

હાલમાં સમગ્ર વિશ્વની વસ્તી અંદાજે 800 કરોડ છે. આ 800 કરોડમાં સૌથી વધુ વસ્તી ઇસ્લામના અનુયાયીઓની છે જે 200 કરોડથી વધુ છે. તેની અસર એ છે કે હાલમાં વર્ષોમાં યુરોપિયન દેશો સહિત વિશ્વના વિવિધ ભાગોમાં ઇસ્લામને અનુસરનારા લોકોની સંખ્યામાં નોંધપાત્ર વધારો થયો છે. તેનો પુરાવો ફ્રાન્સના પેરિસના એક આંતરરાષ્ટ્રીય એરપોર્ટ પર જોવા મળ્યો હતો. પેરિસના ચાર્લ્સ ડી ગૌલે એરપોર્ટના બોર્ડિંગ વિસ્તારમાં ડઝનેક મુસ્લિમ મુસાફરોએ નમાઝ અદા કરી હતી.

પેરિસના ચાર્લ્સ ડી ગોલ એરપોર્ટ પર નમાઝમાં ભાગ લેતા મુસ્લિમ મુસાફરોની તસવીરોએ વિવાદ જગાવ્યો છે. અહેવાલ મુજબ, રવિવારે (5 નવેમ્બર)ના રોજ સોશિયલ મીડિયા પર વાયરલ થયેલી તસવીરોમાં જોર્ડન જતી ફ્લાઈટમાં પેરિસના ચાર્લ્સ ડી ગોલ એરપોર્ટના બોર્ડિંગ વિસ્તારમાં નમાઝ અદા કરતા એક ડઝન મુસ્લિમ મુસાફરોને દર્શાવવામાં આવ્યા હતા.

નમાઝની ઘટનાને દુર્ભાગ્યપૂર્ણ ગણાવી

ફ્રાન્સની સરકારે સોમવારે (6 નવેમ્બર)ના રોજ મુસ્લિમ મુસાફરોની નમાજ અદા કરવાની ઘટના પર એરપોર્ટ પર કડક નિયમો લાગુ કરવાની પ્રતિબદ્ધતા વ્યક્ત કરી હતી. આ સિવાય એરપોર્ટ ઓપરેટરે આવી ઘટનાને દુર્ભાગ્યપૂર્ણ ગણાવી હતી. આ પ્રકારનો વિવાદ એવા સમયે સામે આવ્યો છે જ્યારે હમાસ અને ઈઝરાયેલ વચ્ચેના સંઘર્ષને કારણે ફ્રાંસમાં તણાવ વધી ગયો છે. જમણેરી પ્રમુખ જેક શિરાકના નેતૃત્વમાં ભૂતપૂર્વ યુરોપીયન બાબતોના મંત્રી નોએલ લેનોઈર દ્વારા એરપોર્ટ પર પ્રાર્થના સાથે સંબંધિત તસવીરો સોશિયલ મીડિયા પર શેર કરવામાં આવી હતી.

30 મુસ્લિમ મુસાફરોએ 10 મિનિટ સુધી નમાઝ અદા કરી 

અહેવાલ મુજબ, એરપોર્ટ પર આવી વસ્તુઓ માટે જગ્યા હોવા છતાં ફ્રાન્સના સૌથી મોટા એરપોર્ટના ટર્મિનલ 2Bમાં લગભગ 30 મુસ્લિમ મુસાફરોએ 10 મિનિટ સુધી નમાઝ અદા કરી હતી. Aéroports de Paris (ADP)ના ઓપરેટરના ચીફ એક્ઝિક્યુટિવ ઓગસ્ટિન ડી રોમાનેટે ટ્વિટર પર લખ્યું હતું કે આ પ્રથમ તો ખેદજનક છે. ફ્રાન્સ એક સંપૂર્ણ બિનસાંપ્રદાયિક દેશ છે.એરપોર્ટ સહિત શાળાઓ અને જાહેર ઇમારતો જેવા સાર્વજનિક સ્થળો પર ધાર્મિક આસ્થા દર્શાવવા પર કેટલીક મર્યાદાઓ છે.