અમેરિકાના શિકાગોમાં ભારતીય વિદ્યાર્થી પર જીવલેણ હુમલો, દૂતાવાસે મદદનું આપ્યું આશ્વાસન

• અમેરિકામાં વધુ એક વિદ્યાર્થી પર જીવલેણ હુમલો
• હૈદરાબાદના યુવક પર કરાયો હુમલો
• રાષ્ટ્રપતિ જો બાઈડેને પણ હુમલાને વખોડયો

અમેરિકામાં ગોળીબારની ઘટનાઓ ઓછી નથી થઈ રહી. આવી જ એક ઘટના બની અમેરિકાના શિકાગોમાં ભારતીય વિદ્યાર્થી પર જીવલેણ હુમલો થયો હતો. આ પીડિત ભારતીય વિદ્યાર્થી હૈદ્રાબાદનો રહેવાસી છે, જેનું નામ સૈયદ મજાહીર છે. આ મુદ્દે ભારતીય વાણિજ્ય દૂતાવાસે યુવકના પરિવારને તમામ મદદ કરવાનાનું આશ્વાસન આપ્યું છે.

 શિકાગોમાં ભારતીય વાણિજ્ય દૂતાવાસે કહ્યું છે કે તે પીડિત સૈયદ મઝાહીરની પત્નીના સંપર્કમાં છે. વિદ્યાર્થી પર હુમલાની ઘટના બાદ ભારતીય કોન્સ્યુલેટે પણ સ્થાનિક અધિકારીઓનો સંપર્ક કર્યો છે, આ અધિકારીઓ આ મામલે તપાસ કરી રહ્યા છે. ભારતીય દૂતાવાસે આ અંગે ‘X’ પર પોસ્ટ કરીને કહ્યું કે, ‘કોન્સ્યુલેટ જનરલ ભારતમાં સૈયદ મજાહીર અલી અને તેમની પત્ની સૈયદા રૂકૈયા ફાતિમા રિઝવીના સંપર્કમાં છે. અમે તમામ શક્ય મદદની ખાતરી આપી છે.

હુમલાખોરોએ પહેલા પીછો કર્યો હતો

ભારતીય વિદ્યાર્થી પર થયેલા આ જીવલેણ હુમલાનો વીડિયો પણ સોશિયલ મીડિયા પર સામે આવ્યો છે. જેમાં ઘાયલ અલી તેના પર થયેલા જીવલેણ હુમલા વિશે જણાવી રહ્યો છે. તેના શરીરમાંથી લોહી વહેતું જોવા મળે છે. સોશિયલ મીડિયા પર શેર કરાયેલા અન્ય એક વીડિયોમાં ત્રણ હુમલાખોરો શિકાગોની શેરીઓમાં અલીનો પીછો કરતા જોવા મળે છે. અન્ય એક વીડિયોમાં શિકાગો પોલીસે આ ઘટના અંગે કોઈ નિવેદન જારી કર્યું નથી.

ભારતીય મૂળના વિદ્યાર્થીઓ પર હુમલા વધ્યા

સરકાર અને પ્રશાસન પણ અમેરિકામાં ગોળીબારની ઘટનાઓને અટકાવી શક્યું નથી. રાષ્ટ્રપતિ જો બાઈડેન અને ઉપરાષ્ટ્રપતિ કમલા હેરિસે પણ આવી ઘટનાઓ પર ચિંતા વ્યક્ત કરી છે, પરંતુ કોઈ ઉકેલ શોધી શક્યા નથી. આ દરમિયાન ભારતીય મૂળના વિદ્યાર્થીઓ પર હુમલાની ઘટનાઓ પણ વધી છે. ગયા અઠવાડિયે અમેરિકાના ઓહાયો રાજ્યના સિનસિનાટીમાં શ્રેયસ શ્રેયસ રેડ્ડી નામના ભારતીય વિદ્યાર્થીનું શંકાસ્પદ રીતે મોત થયું હતું. તેમના મૃત્યુનું કારણ હજુ સ્પષ્ટ થયું નથી. આ પહેલા પણ બે ભારતીય વિદ્યાર્થીઓના મોત થયા હતા.