- ઓસ્ટ્રેલિયા સામે અફઘાનિસ્તાનની 3 વિકેટે કારમી હાર
- અફઘાનિસ્તાનના ઓપનર ઇબ્રાહિમ ઝદરાને ફટકારી સદી
- વર્લ્ડ કપમાં ગ્લેન મેક્સવેલે બેવડી સદી ફટકારી હતી
ઓસ્ટ્રેલિયા અને અફઘાનિસ્તાન વચ્ચે મંગળવારે રમાયેલી મેચમાં ભલે અફઘાનિસ્તાનના ઓપનર ઇબ્રાહિમ ઝદરાનની ઇનિંગ્સ ગ્લેન મેક્સવેલની બેવડી સદી સામે વામણી સાબિત થઇ હોય, પરંતુ તેની ઇનિંગ ઘણી રીતે ઐતિહાસિક હતી. આ ઈનિંગથી તે વર્લ્ડ કપ ઈતિહાસમાં પ્રથમ અફઘાન શતકવીર બન્યો. આ સાથે તે ઓસ્ટ્રેલિયા સામે વર્લ્ડ કપમાં સૌથી મોટી ઇનિંગ્સ રમવાના મામલે ત્રીજા સ્થાને આવી ગયો છે.
ઇબ્રાહિમ ઝદરાને ફટકારી સદી
ઝાદરને ઓસ્ટ્રેલિયા સામે 143 બોલમાં 129 રનની શાનદાર ઇનિંગ રમી હતી. આ ઇનિંગના કારણે અફઘાન ટીમ ઓસ્ટ્રેલિયા સામે 291 રનનો મજબૂત સ્કોર બનાવી શકી હતી. જો કે અફઘાનિસ્તાનને ખરાબ ફિલ્ડિંગના કારણે આ મેચ ગુમાવવી પડી હતી. અફઘાનિસ્તાન ભલે આ મેચ હારી ગયું, પરંતુ ઝાદરાને ઓસ્ટ્રેલિયા સામે જે રીતે બેટિંગ કરી, તેણે બધાના દિલ જીતી લીધા. સદી ફટકાર્યા બાદ તેમણે પોતાની ઇનિંગ પહેલા એક રસપ્રદ વાત પણ કહી હતી….
‘મેં કહ્યું હતું કે હું સચિનની જેમ રમીશ’
ઝાદરાને કહ્યું, ‘મેં મેચ પહેલા સચિન તેંડુલકર સાથે ઘણી વાતો કરી હતી. તેમણે તેમના અનુભવો અમારી સાથે શેર કર્યા. મેં મેચ પહેલા પણ કહ્યું હતું કે હું સચિન તેંડુલકરની જેમ બેટિંગ કરીશ. તેમણે મને ઘણી ઉર્જા અને આત્મવિશ્વાસ આપ્યો.
માસ્ટર બ્લાસ્ટર મેચ પહેલા અફઘાની કેમ્પમાં સચિન આવ્યા હતા
ઓસ્ટ્રેલિયા સામેની મેચ પહેલા સચિન તેંડુલકર અફઘાનિસ્તાન ક્રિકેટ ટીમને મળ્યા હતા. તેમણે અફઘાન કેમ્પમાં ઘણો સમય વિતાવ્યો. લગભગ તમામ અફઘાન ખેલાડીઓએ સચિન સાથે વાત કરી હતી. અફઘાનિસ્તાનના ખેલાડીઓએ પણ સચિન સાથે ઘણી તસવીરો ક્લિક કરી હતી. આ દરમિયાન અફઘાન ટીમના મેન્ટર અજય જાડેજા પણ આખો સમય સચિન સાથે જોવા મળ્યા હતા.
