બનાસકાંઠા જિલ્લાના થરા નજીક કંથેરીયા ગામ પાસે દિયોદર રોડ પર એક ગમખ્વાર માર્ગ અકસ્માતની ઘટના સામે આવી છે, જેમાં એક વ્યક્તિનું કરૂણ મોત નીપજ્યું છે. આ અકસ્માત ટ્રેલર અને બાઇક વચ્ચે સર્જાયો હતો. ટ્રેલર અને બાઇક વચ્ચેની જોરદાર ટક્કરમાં બાઇકચાલકને ગંભીર ઈજાઓ પહોંચી હતી, જેના કારણે તેનું ઘટનાસ્થળે જ મોત નિપજ્યું હતું.
અકસ્માતમાં બાઇકચાલકનું ઘટનાસ્થળે મોત
મૃતક બાઇકસવાર કાંકરેજ તાલુકાના ડુગરાસણ ગામના હોવાનું સામે આવ્યું છે. આ દુર્ઘટનાના પગલે ઘટનાસ્થળે લોકોના ટોળેટોળા એકઠા થઈ ગયા હતા. બનાવની જાણ થતાં જ થરા પોલીસ તાત્કાલિક સ્થળ પર પહોંચી હતી. પોલીસે અકસ્માતનું ચોક્કસ કારણ જાણવા અને ટ્રેલર ચાલક વિરુદ્ધ કાયદેસરની કાર્યવાહી હાથ ધરવા માટે વધુ તપાસ શરૂ કરી છે.
