બાંગ્લાદેશમાં વર્ષ 2026માં ચૂંટણીઓ યોજાઇ શકે છે. આ મામલે એક મહત્ત્વપૂર્ણ બેઠક લંડનમાં યોજાઇ હતી. મુખ્ય સલાહકાર પ્રોફેસર મોહમ્મદ યૂનુસ અને બીએનપીના કાર્યવાહક અધ્યક્ષ તારિક રહમાનની વચ્ચે વાતચીત થઇ હતી. આ બેઠકમાં રમઝાન પહેલા ચૂંટણીઓ યોજવા અંગે સંવાદ ચર્ચા-વિચારણા થઇ હતી. મહત્ત્વપૂર્ણ સુધારા બાદ ફેબ્રુઆરીમાં ચૂંટણી યોજાઇ શકે છે. બીએનપીએ આ પ્રસ્તાવનું સ્વાગત કર્યુ હતુ.
ચૂંટણીઓ માટે યોજાઇ બેઠક
બાંગ્લાદેશમાં આગામી રાષ્ટ્રીય ચૂંટણીઓ માટે એક બેઠક યોજાઇ હતી. જેમાં સંકેત આપવામાં આવ્યા હતા. કે બાંગ્લાદેશમાં વર્ષ, 2026માં ચૂંટણીઓ યોજાઇ શકે છે. લંડનમાં મુખ્ય સલાહકાર પ્રોફેસર મોહમ્મદ યૂનુસ અને બીએનપીના કાર્યવાહક અધ્યક્ષ તારિક રહમાનની વચ્ચે બેઠક યોજાઇ હતી. આ સમયે ખલીલુર રહમાન અને શફીકુલ આલમ પણ ઉપસ્થિત રહ્યા હતા. બાંગ્લાદેશની પરિસ્થિતિ જોઇને તેમા હવે સુરક્ષિત અને કડક સરકારની જરુર છે.
રમઝાન પહેલા થઇ શકે છે ચૂંટણી
મુખ્ય સલાહકાર પ્રોફેસર યૂનુસે આ મામલે પ્રતિક્રિયા આપતા જણાવ્યુ હતુ કે, તેઓએ અગાઉ પણ જાહેરાત કરી હતી કે વર્ષ 2026માં ચૂંટણી યોજાઇ શકે છે. જો તમામ સુધારાઓ થઇ જશે તો ફેબ્રુઆરીમાં ચૂંટણીની મૌસમ જોવા મળશે. બીએનપીએ આ પ્રસ્તાવને ગંભીરતાથી લીધો છે. અને તેનું સ્વાગત કર્યુ છે. તેઓ પક્ષ તરફથી આભાર પણ માન્યો છે. આ બેઠક અને પ્રસ્તાવ બાંગ્લાદેશની સ્થિતિ અને દિશા સુધારવા માટેનો મહત્ત્વનો નિર્ણય સાબિત થઇ શકે છે.
