- બાંગ્લાદેશ છોડ્યા બાદ શેખ હસીના હાલમાં ભારતમાં છે
- બાંગ્લાદેશના વિદ્યાર્થીઓ પીએમ શેખ હસીના વિરુદ્ધ વિરોધ પ્રદર્શન
- લિટન દાસના ઘરોને ઉપદ્રવિઓએ આગ લગાવી દીધી છે
બાંગ્લાદેશમાં સ્થિતિ સતત વણસી રહી છે. બાંગ્લાદેશ છોડ્યા બાદ શેખ હસીના હાલમાં ભારતમાં છે, જ્યારે પડોશી દેશ સેનાના કબજામાં છે. છેલ્લા કેટલાક દિવસોથી બાંગ્લાદેશના વિદ્યાર્થીઓ પીએમ શેખ હસીના વિરુદ્ધ વિરોધ પ્રદર્શન કરી રહ્યા હતા, હવે આ વિરોધ એટલો વધી ગયો કે શેખ હસીનાને બાંગ્લાદેશ ભાગી જવું પડ્યું. હવે બાંગ્લાદેશના ક્રિકેટરોએ પણ ઉપદ્રવિઓનો સામનો કરવો પડશે.
રિપોર્ટ અનુસાર ઉપદ્રવિઓએ ગઈકાલે બાંગ્લાદેશના પૂર્વ કેપ્ટન મશરફે મોર્તઝાના ઘરને આગ લગાવી દીધી હતી. જેના કેટલાક વીડિયો સોશિયલ મીડિયા પર પણ સામે આવ્યા હતા. હવે એવા અહેવાલો સામે આવી રહ્યા છે કે અન્ય એક ક્રિકેટરના ઘરને ઉપદ્રવિઓએ આગ લગાવી દીધી છે.
લિટન દાસના ઘરમાં આગ લગાવાઇ
હવે બાંગ્લાદેશમાં ક્રિકેટરો પણ સુરક્ષિત નથી લાગતા. શેખ હસીના દેશ છોડીને ભાગી ગયા ત્યારથી બે ક્રિકેટરોના ઘર સળગાવી દેવામાં આવ્યા છે. અહેવાલો અનુસાર પહેલા પૂર્વ કેપ્ટન મશરફી મોર્તઝા અને વર્તમાન ક્રિકેટર લિટન દાસના ઘરોને ઉપદ્રવિઓએ આગ લગાવી દીધી હતી.
એક યુઝરે સોશિયલ મીડિયા પર એક પોસ્ટ શેર કરીને દાવો કર્યો છે કે તે બાંગ્લાદેશી ક્રિકેટર લિટન દાસ છે. ઇસ્લામવાદીઓએ તેના ઘરને આગ લગાવી દીધી. બાંગ્લાદેશી હિંદુઓ જોખમમાં છે. ભારત સરકારે તેમને આશ્રય આપવો જોઈએ.
લિટન દાસની ક્રિકેટ કારકિર્દી
લિટન દાસ બાંગ્લાદેશ ટીમનો વર્તમાન ક્રિકેટર છે. અત્યાર સુધી તે બાંગ્લાદેશ માટે 41 ટેસ્ટ, 92 વનડે અને 89 ટી20 મેચ રમી ચૂક્યો છે. લિટનના નામે ટેસ્ટમાં 2461 રન છે. આ દરમિયાન તેણે 3 સદી અને 16 અડધી સદી પણ ફટકારી છે. લિટને વનડે ક્રિકેટમાં અત્યાર સુધીમાં 2563 રન બનાવ્યા છે. લિટને વનડેમાં 5 સદી અને 12 અડધી સદી ફટકારી છે. આ સિવાય લિટને T20માં 1943 રન બનાવ્યા છે. ટી20માં લિટને 11 અડધી સદી પણ ફટકારી છે.
