બાંગ્લાદેશના વિદ્યાર્થી નેતા અને ઇંકલાબ મંચની પ્રવક્તા શરીફ ઉસ્માન હાદીના ભાઇ ઉમર હાદીએ વચગાળાની સરકારના પ્રમુખ મોહમ્મદ યુનુસ પર ગંભીર આરોપ લગાવતા ચોંકાવનારો ખુલાસો કર્યો છે. ઉમર હાદીએ દાવો કર્યો છે કે વચગાળાની સરકારેના એક ગુટ આગામી ચૂંટણીમાં વિલંબ કરવાના ઉદ્દેશ્યથી હાદીની હત્યા કરાવી છે. તેમણે ન્યાયની માગ કરી અને ચેતવણી પણ આપી છે કે ન્યાય ન મળ્યો તો યુનુસને પણ બાંગ્લાદેશ છોડવું પડશે.
ઉમર હાદીએ દેશની વચગાળાની સરકાર પર નિશાન સાધ્યું
શાહબાગમાં રાષ્ટ્રીય સંગ્રહાલયની સામે ઇન્કલાબ મંચ દ્વારા આયોજિત એક કાર્યક્રમને સંબોધતા, ઉમર હાદીએ દેશની વચગાળાની સરકાર પર નિશાન સાધ્યું.તેમણે કહ્યું, તમે પોતે જ ઉસ્માન હાદીની હત્યા કરાવી હતી અને હવે તમે તેનો મુદ્દો બનાવીને ચૂંટણી મુલતવી રાખવાનો પ્રયાસ કરી રહ્યા છો.તેમણે કહ્યું કે તેમના ભાઈ ઇચ્છે છે કે રાષ્ટ્રીય ચૂંટણી ફેબ્રુઆરી સુધીમાં યોજાય અને તેમણે અધિકારીઓને ચૂંટણીના વાતાવરણમાં ખલેલ ન પહોંચાડવા અપીલ કરી.
યુનુસને ઉમરની ચેતવણી
ઓમરે કહ્યું, હત્યારાઓ પર વહેલી તકે કાર્યવાહી કરીને ચૂંટણીનું વાતાવરણ બગડતું અટકાવી શકાય છે.સરકારે હજુ સુધી કોઈ નક્કર પ્રગતિ બતાવી નથી. જો ઉસ્માન હાદીને ન્યાય નહીં મળે, તો એક દિવસ તમને પણ બાંગ્લાદેશ છોડવાની ફરજ પડશે. ઉમર હાદીએ વધુમાં દાવો કર્યો હતો કે તેમના ભાઈની હત્યા એટલા માટે કરવામાં આવી હતી કારણ કે તે કોઈ એજન્સી કે વિદેશી માસ્ટર સામે ઝૂક્યો ન હતો.
સરકારને આપેલા 30 વર્કિંગ ડે ના અલ્ટીમેટમનું પુનરાવર્તિત કર્યુ
રેલીમાં બોલતા ઇંકબાલ મંચના સદસ્ય સચિન અબ્દુલ્લા અલ જાબેરે હત્યારાઓની ઓળખાણ કરવા અને તેમની ધરપકડ કરવા માટે સરકારને આપેલા 30 વર્કિંગ ડે ના અલ્ટીમેટમનું પુનરાવર્તિત કર્યુ છે. જેની જાહેરતા સૌથી પહેલા સોમવારના એક પ્રેસ નિવેદનમાં કરી હતી. જાબેરે આરોપ લગાવ્યો હતો કે હત્યાઓના માધ્યમથી જુલાઇ વિદ્રોહની ઉપલબ્ધિઓ અને બાંગ્લાદેશની સંપ્રભુતાને નષ્ટ કરવા માટે એક ઉંડું ષડયંત્ર ચાલી રહ્યુ છે.
