- બિગ બેશ લીગની નવી સીઝન 7 ડિસેમ્બર શરૂ થઈ
- BBLમાં સિક્કાને બદલે બેટ ઉછાળીને ટોસ કર્યો
- પ્રથમ મેચ મેલબોર્ન સ્ટાર્સ અને બ્રિસ્બેન હીટ વચ્ચે રમાઈ
બિગ બેશ લીગની નવી સીઝન 7 ડિસેમ્બર શરૂ થઈ છે. ઓસ્ટ્રેલિયાની T20 ફ્રેન્ચાઈઝી લીગમાં મેલબોર્ન સ્ટાર્સ અને બ્રિસ્બેન હીટ વચ્ચેની મેચ સાથે શાનદાર શરૂઆત થઈ હતી. અહીં મેચ પહેલા એક દ્રશ્યે સૌનું ધ્યાન ખેંચ્યું હતું. ખરેખર, ટોસ દરમિયાન સિક્કાને બદલે બેટ ઉછાળવામાં આવ્યું હતું. આ ઘટનાનો વીડિયો હાલ સોશિયલ મીડિયા પર વાયરલ થયો છે.
બેટ ઉછાળીને ટોસ કર્યો
જ્યારે બેટ ઉછાળીને ટોસ કરવામાં આવ્યો ત્યારે મેલબોર્ન સ્ટાર્સના કેપ્ટન ગ્લેન મેક્સવેલે ફ્લેટ્સ (બેટનો સપાટ ભાગ) બોલ્યો અને તેણે પણ ટોસ જીત્યો. આ દરમિયાન બંને ટીમના કેપ્ટન અને પ્રસ્તુતકર્તા પણ હસતા જોવા મળ્યા હતા.
ટોસ જીતીને પ્રથમ બોલિંગ લીધી
મેક્સવેલે અહીં ટોસ જીતીને પ્રથમ બોલિંગ કરવાનો નિર્ણય કર્યો હતો. તેનો નિર્ણય ખોટો સાબિત થયો અને બ્રિસ્બેન હીટે વિસ્ફોટક બેટિંગ કરી અને ત્રણ વિકેટ ગુમાવીને 214 રન બનાવ્યા. કેપ્ટન ઉસ્માન ખ્વાજાએ 19 બોલમાં 28 રન બનાવ્યા હતા. માર્નસ લાબુશેન 23 બોલમાં 30 રન બનાવીને આઉટ થયો હતો. જોકે ઓપનર કોલિન મુનરો એક છેડે રહ્યો હતો. તેણે 61 બોલમાં 99 રનની અણનમ ઇનિંગ રમી હતી. અહીં સેમ બિલિંગ્સ (18) અને મેક્સ બ્રાયન્ટ (15)એ પણ સ્કોરમાં યોગદાન આપ્યું હતું.
બ્રિસ્બેન હીટે 103 રનથી જોરદાર જીત નોંધાવી
215 રનના આ મોટા લક્ષ્યનો પીછો કરવા ઉતરેલી મેલબોર્ન સ્ટાર્સે શરૂઆતથી જ વિકેટ ગુમાવવાનું ચાલુ રાખ્યું હતું. ટીમના બંને ઓપનર કુલ 6 રનના સ્કોર પર પેવેલિયન પરત ફર્યા હતા. જો બર્ન્સ (22), ગ્લેન મેક્સવેલ (23) અને હિલ્ટન કાર્ટરાઈટ (33) નિશ્ચિતપણે સંઘર્ષ કરતા હતા પરંતુ તેમની ઝડપી ઇનિંગ્સને મોટી બનાવી શક્યા ન હતા. મેલબોર્નના બાકીના બેટ્સમેનમાંથી કોઈ પણ ડબલ ડિજીટને સ્પર્શી શક્યો નહોતો. પરિણામ એ આવ્યું કે આખી ટીમ 16મી ઓવરમાં જ કુલ 111 રનમાં ઓલઆઉટ થઇ ગઇ હતી. આ રીતે બ્રિસ્બેન હીટે આ મેચ 103 રનના વિશાળ અંતરથી જીતી લીધી હતી. મેલબોર્ન ટીમ માટે મિશેલ સ્વેપસને ત્રણ, માઈકલ નસીર અને ઝેવિયર બાર્ટલેટે બે-બે વિકેટ ઝડપી હતી. કોલિન મુનરોને ‘પ્લેયર ઓફ ધ મેચ’ જાહેર કરવામાં આવ્યો હતો.
