- WPLને પ્રોત્સાહન આપવા માટે નવી કમિટીની રચના
- BCCI પ્રમુખરોજર બિન્ની આ કમિટીના અધ્યક્ષ
- BCCI સચિવ જય શાહ આ કમિટીના સંયોજક હશે
ભારતીય ક્રિકેટ કંટ્રોલ બોર્ડ (BCCI) મહિલા પ્રીમિયર લીગ (WPL)ને નવી ઊંચાઈઓ પર લઈ જવા માંગે છે. આ માટે છેલ્લા દોઢ વર્ષમાં અનેક પ્રયાસો કરવામાં આવ્યા છે અને હવે નવા પ્રયાસો પણ કરવામાં આવી રહ્યા છે. નવી અપડેટ એ છે કે BCCI પ્રમુખ રોજર બિન્ની પોતે આ લીગમાં મહત્વની ભૂમિકા ભજવશે. આ મહિલા ક્રિકેટ લીગના વિકાસને પ્રોત્સાહન આપવા માટે ગુરુવારે તેમની અધ્યક્ષતામાં આઠ સભ્યોની સમિતિની રચના કરવામાં આવી છે.
રોજર બિન્ની આ સમિતિના અધ્યક્ષ
બિન્ની આ સમિતિના અધ્યક્ષ હશે, જ્યારે BCCI સચિવ જય શાહ આ સમિતિના સંયોજક હશે. સમિતિના અન્ય સભ્યોમાં અરુણ ધૂમલ, રાજીવ શુક્લા, આશિષ શેલાર, દેવજીત સાયકિયા, મધુમતી લેલે અને પ્રભતેજ ભાટિયાના નામનો સમાવેશ થાય છે. હાલમાં અરુણ ધૂમલ ઈન્ડિયન પ્રીમિયર લીગ (IPL) ના પ્રમુખ છે. રાજીવ શુક્લા બીસીસીઆઈના ઉપાધ્યક્ષ છે. આશિષ શેલાર BCCI ટ્રેઝરર છે અને દેવજીત સૈકિયા BCCI જોઈન્ટ સેક્રેટરી છે. હવે આ તમામની પાસે મહિલા પ્રીમિયર લીગનો વધારાનો હવાલો પણ રહેશે. તે બધા WPLમાં સ્પર્ધાત્મક વાતાવરણ બનાવવા માટે હિતધારકો, ખેલાડીઓ અને રમતના ચાહકો સાથે મળીને કામ કરશે.
આગામી સિઝન માટે 9 ડિસેમ્બરે હરાજી
WPL 2024 માટેની હરાજી 9 ડિસેમ્બરે મુંબઈમાં યોજાઈ હતી. આ હરાજીમાં કુલ 165 ખેલાડીઓએ રજીસ્ટ્રેશન કરાવ્યું છે. આમાંથી માત્ર 30 ખેલાડીઓ જ હરાજીમાં ચમકવાના છે. વાસ્તવમાં, મહિલા પ્રીમિયર લીગની પાંચ ફ્રેન્ચાઈઝી પાસે કુલ 90 સ્લોટ છે, જેમાંથી આ ફ્રેન્ચાઈઝીઓએ પહેલાથી જ 60 સ્લોટ પર ખેલાડીઓને જાળવી રાખ્યા છે. આવી સ્થિતિમાં હવે માત્ર 30 સ્લોટ ખાલી છે. આ 30 સ્લોટ માટે પાંચ ફ્રેન્ચાઈઝી પાસે કુલ રૂ. 17.65 કરોડ ઉપલબ્ધ છે. વુમન્સ પ્રીમિયર લીગની આગામી સિઝન ક્યારે શરૂ થશે તે અંગે હજુ સુધી કોઈ માહિતી સામે આવી નથી.
