ઇઝરાયલ અને ઇરાન વચ્ચે યુદ્ધને કારણે મિડલ ઇસ્ટમાં તણાવ વધી રહ્યો છે. બંને દેશો તરફથી બેફામ હુમલા કરવામાં આવી રહ્યા છે. આ વચ્ચે ઇરાન વિરુદ્ધ ઓપરેશન રાઇઝિંગ શરૂ કરવા પર ઇઝરાયલના પીએમ બેન્ઝામિન નેતન્યાબુએ ઇરાન વિરુદ્ધ ખુલીને મોરચો માંડ્યો છે.
ઇરાનને ચેતવણી
નેતન્યાહૂએ ઇરાનને ચેતવણી આપતા કહ્યું કે આ તો માત્ર શરૂઆત છે. હજી વધારે તબાહી થવાની બાકી છે.સ્હેજ પર છોડવામાં નહી આવે. અમારો ઉદ્દેશ્ય ઇઝરાયલના અસ્તિત્વની સક્ષમ બનેલા ઇરાનના ખતરાને તબાહ કરવાનો છે. આ ઓપરેશન ત્યાં સુધી ચાલુ રાખવામાં આવશે જ્યાં સુધી આ ખતરાને સંપૂર્ણ ખતમ નહી કરી દેવામાં આવે..
ઇરાન અમારા દેશ માટે ખતરો- નેતન્યાહૂ
તેમણે વધુમાં કહ્યું કે ઇરાન પરમાણુ હથિયાર મેળવવાની નજીક છે તેવી ગુપ્ત માહિતી મળી હતી., હાલના વર્ષોમાં ઇરાને પરમાણુ બોમ્બ બનાવવા માટે યુરેનિયમ મેળવી લીધુ છે. જે ન માત્ર ઇઝરાયલ પરંતુ આખી દુનિયા માટે ગંભીર ખતરો છે. અમે અનુમતિ આપી શકીએ નહી કે ઇરાન પરમાણુ હથિયાર વિકસિત કરે. આ અમારો દેશ અને અમારા બાળકોના ભવિષ્યને ખતરો છે.
નેતન્યાહુએ આની પહેલા પણ કહ્યું હતું કે ઇરાને પહેલા આવા પગલા ક્યારેય નથી ભર્યા. જેમ કે પરમાણુ હથિયાર તૈયાર કરવુ. જો ઇરાનને આમ કરતા ન રોક્યુ તો ઇરાન બહુ ઓછા સમયમાં પરમાણુ હથિયાર તૈયાર કરી દેશે. જેનો સમય એક વર્ષ, કેટલાક મહિના કે તેનાથી પણ ઓછો હોઇ શકે છે. જે ઇઝરાયલના અસ્તિત્વ માટે સ્પષ્ટ અને હાલનો ખતરો છે.
તેમણે નાગરિકોને અપીલ કરતા કહ્યું કે શાંત રહો અને ઇઝરાયલી સૈન્યના નિર્દેશોનું પાલન કરો. આ લડાઇ કેટલાક કલાકો કે દિવસોની નથી. જ્યાં સુધી લક્ષ્ય પુરુ નહી થાય ત્યાં સુધી ચાલતી જ રહેશે. આપણે જવાબી કાર્યવાહીનો સામનો કરવા તૈયાર રહેવુ પડશે. પરંતુ હું તમને વિશ્વાસ અપાવુ છું કે આપણી સેના સંપૂર્ણ રીતે સક્ષમ છે. અને આપણે દેશની રક્ષા માટે જરૂરી પગલા ભરીશું.
