વર્લ્ડ કપ વચ્ચે ચમક્યું ભુવનેશ્વર કુમારનું નસીબ, શું ટીમ ઈન્ડિયામાં થશે વાપસી?

• ઝડપી બોલર ભુવનેશ્વર કુમારને વાપસી થઈ શકે
• ભુવનેશ્વર છેલ્લા એક વર્ષથી ભારતીય ટીમની બહાર
• ભુવી ટીમ ઈન્ડિયાના પેસ આક્રમણનું નેતૃત્વ કરી શકે

ભારતીય ટીમ આ દિવસોમાં ઘરની ધરતી પર રમાઈ રહેલા ODI વર્લ્ડ કપ 2023માં વ્યસ્ત છે. વર્લ્ડ કપ બાદ તરત જ ટીમ ઈન્ડિયા ઓસ્ટ્રેલિયા સામે 5 મેચની ટી-20 સિરીઝ રમશે. આ સીરીઝમાં ટીમના તમામ સિનિયર ખેલાડીઓને આરામ આપવામાં આવશે તે નિશ્ચિત છે જેમાં ઝડપી બોલરો પણ સામેલ હશે. આવી સ્થિતિમાં મેન ઇન બ્લુ ફરી એકવાર અનુભવી ઝડપી બોલર ભુવનેશ્વર કુમારને વાપસી કરવાની તક આપી શકે છે.

સિનિયર બોલરોની ગેરહાજરીમાં ભુવી ટીમ ઈન્ડિયાના પેસ આક્રમણનું નેતૃત્વ કરી શકે છે. ભુવનેશ્વર છેલ્લા એક વર્ષથી ભારતીય ટીમની બહાર છે. આવી સ્થિતિમાં ઓસ્ટ્રેલિયા સામેની T20 સીરીઝ તેમના માટે મોટી લાઈફલાઈન સાબિત થઈ શકે છે.

BCCIના એક અધિકારીએ કહ્યું હતું કે, સિલેક્ટર્સ વરિષ્ઠ બોલરોને આરામ આપી શકે છે. આવી સ્થિતિમાં અમને ભુવનેશ્વર કુમાર જેવા અનુભવી ઝડપી બોલરની જરૂર પડશે. તેને ફરીથી બોલાવી શકાય છે.

સૈયદ મુશ્તાક અલી ટ્રોફીમાં અજાયબીઓ કરી 

ભુવનેશ્વર કુમારે હાલમાં રમાયેલી સૈયદ મુશ્તાક અલી ટ્રોફીમાં શાનદાર પ્રદર્શન કર્યું હતું. તેણે 7 મેચમાં 9.31ની ઉત્તમ એવરેજથી 16 વિકેટ લીધી હતી જેમાં ફાઈવરનો પણ સમાવેશ થાય છે. આ સમયગાળા દરમિયાન તેણે 5.84ની ઇકોનોમી પર રન ખર્ચ્યા હતા. આવી સ્થિતિમાં સૈયદ મુશ્તાક અલી ટ્રોફીનું પ્રદર્શન પણ ભુવનેશ્વર માટે લાઈફલાઈન સાબિત થઈ શકે છે.

ભારત માટે છેલ્લી મેચ ગયા વર્ષે નવેમ્બરમાં રમાઈ 

ભુવનેશ્વર કુમાર 2022 T20 વર્લ્ડ કપમાં ટીમ ઈન્ડિયાનો ભાગ હતો. ત્યારબાદ તેણે નવેમ્બર 2022માં ન્યૂઝીલેન્ડ સામે ભારત માટે ટી20 સિરીઝ રમી હતી. પરંતુ આ પછી તે ટીમમાં પોતાની જગ્યા બનાવી શક્યો ન હતો. ભુવનેશ્વર ભારત માટે ત્રણેય ફોર્મેટમાં રમે છે. અત્યાર સુધીમાં તે 21 ટેસ્ટ, 121 વનડે અને 87 T20 આંતરરાષ્ટ્રીય મેચ રમી ચૂક્યો છે. તેણે ટેસ્ટમાં 63, ODIમાં 141 અને T20Iમાં 90 વિકેટ લીધી છે.