- પૂર્વ સીએમ શિવરાજ સિંહ ચૌહાણ સતત ચર્ચામાં છે
- એવો દાવો કરવામાં આવી રહ્યો છે કે તેઓ કદાચ પાર્ટીના કેન્દ્રીય નેતૃત્વથી નારાજ છે
- ભાજપે શિવરાજ સિંહ ચૌહાણની જગ્યાએ મોહન યાદવને મુખ્યમંત્રી બનાવ્યા
બીજેપી નેતૃત્વ આજે એટલે કે સોમવારે દિલ્હીમાં મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણ અને રાજસ્થાનના પૂર્વ મુખ્યમંત્રી વસુંધરા રાજેને મળવા જઈ રહ્યું છે. આ બંને નેતાઓ આજે દિલ્હીમાં હશે, જ્યાં ભાજપના આલાકમાન તેમની સાથે બેઠક કરશે. ભાજપ નેતૃત્વ એવા સમયે આ બંને નેતાઓને મળવા જઈ રહ્યું છે જ્યારે વિધાનસભાના પરિણામો બાદ અનુમાન લગાવવામાં આવી રહ્યું હતું કે ભાજપ આ બંને ચહેરાઓને મધ્યપ્રદેશ અને રાજસ્થાનના મુખ્યમંત્રી બનાવશે. પરંતુ ભાજપે મોહન યાદવને મધ્યપ્રદેશના અને ભજનલાલ શર્માને રાજસ્થાનના મુખ્યમંત્રી બનાવીને બધાને ચોંકાવી દીધા હતા.
18 ડિસેમ્બર સોમવાર શિવરાજ સિંહ ચૌહાણ સાંજે 6 વાગ્યે દિલ્હી પહોંચશે
આ દરમિયાન પૂર્વ સીએમ શિવરાજ સિંહ ચૌહાણ સતત ચર્ચામાં છે. એવો દાવો કરવામાં આવી રહ્યો છે કે તેઓ કદાચ પાર્ટીના કેન્દ્રીય નેતૃત્વથી નારાજ છે. આ દાવાની તરફેણમાં એવી દલીલ કરવામાં આવી રહી છે કે શિવરાજ સિંહ ચૌહાણ 17મી ડિસેમ્બર (રવિવાર)ના રોજ મોડી રાત્રે બીજેપીના દિગ્ગજ નેતાઓની બેઠકમાં હાજર ન રહેવાના કારણે નારાજગી હતી. હવે પાર્ટીના રાષ્ટ્રીય અધ્યક્ષ જેપી નડ્ડાએ તેમને દિલ્હી બોલાવ્યા છે. આજે 18 ડિસેમ્બર સોમવાર શિવરાજ સિંહ ચૌહાણ સાંજે 6 વાગ્યે દિલ્હી પહોંચશે. બંને અહીં જેપી નડ્ડાનાં ઘરે મળવાનાં છે.
રવિવારે સાંજે કેબિનેટને લઈને દિલ્હીમાં પાર્ટીની મોટી બેઠક યોજાઈ હતી
રવિવારે સાંજે કેબિનેટને લઈને દિલ્હીમાં પાર્ટીની મોટી બેઠક યોજાઈ હતી. આ બેઠકમાં અમિત શાહ અને જેપી નડ્ડા સાથે મધ્યપ્રદેશ ભાજપના તમામ અગ્રણી નેતાઓએ ભાગ લીધો હતો, જોકે શિવરાજ સિંહ ચૌહાણ બેઠકમાં ગેરહાજર રહ્યા હતા. મુખ્યમંત્રી મોહન યાદવ, પ્રદેશ અધ્યક્ષ વીડી શર્મા, સંગઠન મહાસચિવ હિતાનંદ, નાયબ મુખ્યમંત્રીઓ જગદીશ દેવરા અને રાજેન્દ્ર શુક્લા, કેન્દ્રીય મંત્રી જ્યોતિરાદિત્ય સિંધિયા, પૂર્વ કેન્દ્રીય મંત્રી પ્રહલાદ પટેલ, ભાજપના મહાસચિવ અને ધારાસભ્ય કૈલાશ વિજયવર્ગીય અને નરેન્દ્ર તોમર બેઠકમાં સામેલ થયા હતા.
વિધાનસભા ચૂંટણીમાં પાર્ટીની શાનદાર જીત
મધ્યપ્રદેશના મુખ્યમંત્રી ન બનાવાયા બાદ શિવરાજ સિંહ ચૌહાણે કહ્યું હતું કે તેઓ તેમની પાર્ટી પાસેથી પોતાના માટે કંઈપણ માંગવાને બદલે ‘મરવાનુ પસંદ કરશે’. ચાર વખત મુખ્યમંત્રી રહી ચુકેલા શિવરાજ સિંહ ચૌહાણે કહ્યું હતું કે ભારતીય જનતા પાર્ટી (ભાજપ) તેમને જે પણ કામ આપશે તે પૂર્ણ કરશે. વિધાનસભા ચૂંટણીમાં પાર્ટીની શાનદાર જીત બાદ ભાજપે શિવરાજ સિંહ ચૌહાણની જગ્યાએ મોહન યાદવને મુખ્યમંત્રી બનાવ્યા છે.
