આઈપીએલ 2025 ની ફાઇનલ મેચમાં રોયલ ચેલેન્જર્સ બેંગલુરુ અને પંજાબ કિંગ્સ વચ્ચે ખરાખરીનો ખેલ થવાનો છે. આ વખતે ક્રિકેટ રસિકો માટે મજાની વાત એ છે કે બંને ટીમો તેમની પ્રથમ ટ્રોફી માટે મેદાનમાં ટકરાશે જેના લીધે હાઇ વૉલ્ટેજ ડ્રામા થવાની પૂરી શક્યતાઓ રહેલી છે.
આજે ખરાખરીનો જંગ
આજે 3 જૂન 2025ના રેન્દ્ર મોદી સ્ટેડિયમ ખાતે રોયલ ચેલેન્જર્સ બેંગલુરુ અને પંજાબ કિંગ્સ વચ્ચે ફાઇનલ રમાવાની છે. આ નરેન્દ્ર મોદી સ્ટેડિયમ વિશ્વનું સૌથી મોટું સ્ટેડિયમ છે, જ્યાં આજે લાખોની સંખ્યામાં ક્રિકેટ ચાહકો વિશ્વભરથી મેચ જોવા માટે આવી ચૂક્યા છે. આ મેચ રોમાંચ ની સાથે સાથે શ્રેયસ અને રજત માટે ઇતિહાસ રચવાનો એક સુવર્ણ અવસર લઈને આવી છે. આ બંને ટીમના કપ્તાન પાસે આજે આઈપીએલની રેકોર્ડ બુકમાં પોતાનું નામ નોંધાવાનો એક અવસર પણ આવ્યો છે.
સૌથી જડપી IPL ટ્રોફી જીતવાનો મોકો
આ વખતે આઈપીએલમાં પ્રથમ વાર રજત પાટીદારને રોયલ ચેલેન્જર્સ બેંગલુરુના કેપ્ટન બનવાનો મોકો મળ્યો છે. રજત પાસે આઇપીએલમાં આ વખતે એક અનોખો રેકોર્ડ બનાવવાનો અવસર પણ આવ્યો છે. જો આજની મેચમાં રોયલ ચેલેન્જર્સ બેંગલુરુ જીતી જાય છે, તો રજત પાટીદાર આઇપીએલના ઇતિહાસમાં સૌથી જડપથી ટ્રોફી પોતાના નામે કરનાર કેપ્ટનના લિસ્ટમાં આવી જશે. અત્યાર સુધી આવું કરનારા ખેલાડીઓને યાદ કરીએ તો અત્યાર સુધી કપ્તાનીના પ્રથમ સિજનમાં હાર્દિક પંડયા અને શેન વોર્ન આ બેજ ખેલાડીઓ ટ્રોફી પોતાના નામે કરીને આ રેકોર્ડ બનાવી શક્યા છે.
શ્રેયસ પાસે રેકોર્ડ બનવાનો સુવર્ણ મોકો
સામે પક્ષે પંજાબની વાત કરીએતો પંજાબના કેપ્ટન અને સ્ફોટક બેટ્સમેન શ્રેયસ પાસે એક એવો રેકોર્ડ બનાવવાનો મોકો છે, જે આઈપીએલના ઇતિહાસમાં પહેલા ક્યારેય નથી બન્યો. જો આજે ફાઇનલ મેચમાં પંજાબ બાજી મારી જાય છે તો આઇપીએલના ઇતિહાસમાં બે અલગ-અલગ ટીમો તરફથી કેપ્ટન તરીકે રમીને આ ટ્રોફી જીતનાર ટે પ્રથમ કેપ્ટન બની જશે. આ પહેલા શ્રેયશે 2024માં કોલકાતા નાઈટ રાઇડર માટે કપ્તાની કરીને ટ્રોફી જીતી હતી.
