- આંગડિયા પેઢીઓ પર CID ના રાજ્યવ્યાપી દરોડા
- આંગડિયા પેઢી દ્વારા ખોટા વ્યવહારોને લઈ દરોડા
- 10 કરોડ રૂપિયા રિકવર કરવામાં આવ્યા
ગુજરાતમાં લોકસભાની ચૂંટણીનું મતદાન પૂર્ણ થતાં જ આવકવેરા વિભાગ સક્રિય થઈ ગયો છે. આંગડિયા પેઢીઓ પર CID ક્રાઇમના રાજ્યવ્યાપી દરોડા પાડવામાં આવ્યા છે. અમદાવાદ ,સુરત,રાજકોટ સહિતના શહેરોમાં તપાસનો ધમધમાટ શરૂ થઇ ગયો છે.
આજે સુરતમાં ટેક્સટાઈલના મોટા ગ્રુપ પર દરોડા પાડવામાં આવ્યાં હતાં. બીજી બાજુ સમગ્ર રાજ્યમાં આંગડિયા પેઢીઓ પર CID ક્રાઈમ દ્વારા દરોડા પાડીને બોગસ એકાઉન્ટ અંગેની ફરિયાદના આધારે તપાસ હાથ ધરવામાં આવી છે.
અમદાવાદ ,સુરત,રાજકોટ સહિતના શહેરોમાં તપાસ
મળતી માહિતી મુજબ, રાજ્યભરની આંગડિયા પેઢીઓ પર બોગસ એકાઉન્ટ અને પેઢીઓના ખોટા વ્યવહારોની ફરિયાદોને આધારે CID ક્રાઈમે દરોડા પાડ્યાં છે. આ દરોડાને લઈને આંગડિયા પેઢીઓના સંચાલકોમાં ફફડાટ વ્યાપી ગયો છે. સમગ્ર રાજ્યમાં 25 જગ્યાઓ પર 40 અધિકારીઓની ટીમ દ્વારા દરોડા પાડવામાં આવ્યાં છે. અમદાવાદમાં સી.જી. રોડ પરની એક પેઢીમાં પણ તપાસ હાથ ધરવામાં આવી છે. સુત્રો જણાવી રહ્યાં છે કે, સમગ્ર રાજ્યમાં દરોડા દરમિયાન 10 કરોડ રિકવર પણ કરાયા છે.
આંગડિયા પેઢીઓ પર CIDના રાજ્યવ્યાપી દરોડા પાડવામાં આવ્યા છે. RTGS દ્વારા ગેરકાયદેસર નાણાંની હેરાફેરી અને આંગડિયા પેઢી દ્વારા ખોટા વ્યવહારોને લઈ અમદાવાદ ,સુરત,રાજકોટ સહિતના 25 જગ્યા પર 40 અધિકારીઓની ટીમ દ્વારા દરોડા પાડવામાં આવ્યા છે. દરોડા દરમિયાન 10 કરોડ રૂપિયા રિકવર કરવામાં આવ્યા છે. આ સાથે ક્રિકેટ સટ્ટા સાથે સંકળાયેલા લોકોના વ્યવહારની તપાસ ચાલી રહી છે. અમદાવાદમાં સીજી રોડ પર દરોડા કામગીરી હાથ ધરવામાં આવી છે.
સુરતમાં IT દ્વારા તપાસ શરૂ કરવામાં આવી
સુરત શહેરમાં ટેક્સટાઇલના એશ્વર્યા ગ્રુપ ઉપર ઈન્કમટેક્સ વિભાગનું સર્ચ ઓપરેશન શરૂ થયું છે. શહેરમાં એક સાથે બારેક જગ્યાઓ પર સર્ચ ઓપરેશનની કાર્યવાહી શરૂ કરવામાં આવી છે. એશ્વર્યા ગ્રુપ સાથે સંકળાયેલા કોલના ધંધાર્થીને ત્યાં પણ ઈન્કમટેક્સ વિભાગે તવાઈ બોલાવી છે. મોરબીમાં કોલ બિઝનેસના સીરામિક એકમો પર પણ તપાસ શરૂ કરવામાં આવી છે. એક સાથે મોટા પાયે બેનામી વ્યવહારો મળે તેવી સંભાવનાઓ વ્યક્ત કરવામાં આવી રહી છે.
