ઈગ્લેન્ડની સીરિઝમાં હાર માટે બેઝબોલ નહીં પણ આ કારણ જવાબદાર

• ભારત અને ઈંગ્લેન્ડ વચ્ચે પાંચ મેચની ટેસ્ટ સીરિઝ
  
• સીરિઝમાં ટીમ ઈન્ડિયાએ 3-1થી સરસાઈ મેળવી
  
• સીરિઝની છેલ્લી મેચ 7 માર્ચે ધર્મશાળામાં રમાશે
  

જ્યારે ઈંગ્લેન્ડની ટીમ ભારતના પ્રવાસ પર આવી રહી હતી ત્યારે માનવામાં આવી રહ્યું હતું કે ઘરઆંગણે ભારતને હરાવવાની સિદ્ધિ હાંસલ કરી શકે છે. તેનું કારણ ઇંગ્લેન્ડ દ્વારા રજૂ કરવામાં આવેલ બેઝબોલ ક્રિકેટ હતું. જ્યારથી બેન સ્ટોક્સ ઈંગ્લેન્ડની ટેસ્ટ ટીમના કેપ્ટન બન્યા અને બ્રેન્ડન મેક્કુલમ ટીમના કોચ બન્યા ત્યારથી ઈંગ્લેન્ડે બેઝબોલ રમવાનું શરૂ કરી દીધું છે અને ભારત આવ્યા પહેલા આ ટીમે એક પણ ટેસ્ટ સીરિઝ ગુમાવી નથી, પરંતુ ભારત આવતાની સાથે આ ટીમે બેઝબોલ રમવાનું શરૂ કર્યું હતું.

બેઝબોલનો ભારતમાં ફિયાસ્કો થયો હતો. પાંચ મેચોની ટેસ્ટ સીરિઝની ચાર મેચ પૂર્ણ થઈ ગઈ છે અને ભારતે 3-1ની અજેય સરસાઈ મેળવી લીધી છે. ભારતે રાંચીમાં રમાયેલી ચોથી ટેસ્ટ મેચ જીતીને આ સીરિઝ જીતી લીધી છે. આ હાર બાદ ઈંગ્લેન્ડના કોચ મેક્કુલમે ખુલાસો કર્યો છે કે તેમની ટીમ કેમ હારી.

ભારત સીરિઝમાં આગળ

જોકે ઈંગ્લેન્ડે આ પ્રવાસની શરૂઆત જીત સાથે કરી હતી. હૈદરાબાદમાં રમાયેલી પ્રથમ ટેસ્ટ મેચમાં ભારતનો પરાજય થયો હતો. આ મેચમાં ઈંગ્લેન્ડ જીત્યું હતું. ભારતે બીજી મેચમાં વાપસી કરી અને મેચ જીતીને સીરિઝ બરોબરી કરી લીધી હતી. રાજકોટમાં ટીમ ઈન્ડિયાએ ઈંગ્લેન્ડને વાપસી કરવાની તક આપી ન હતી અને સીરિઝમાં લીડ મેળવી હતી. ચોથી ટેસ્ટ મેચમાં ઈંગ્લેન્ડની ટીમ મજબૂત સ્થિતિમાં હતી પરંતુ ટીમ ઈન્ડિયાએ શાનદાર વાપસી કરીને સીરિઝ જીતી લીધી હતી.

ટીમ ઈન્ડિયાએ શાનદાર પ્રદર્શન કર્યું

જો કે રાંચી ટેસ્ટ બાદ મેક્કુલમે જણાવ્યું છે કે તેની ટીમની હારનું કારણ શું છે. મીડિયા સાથે વાત કરતી વખતે મેક્કુલમે કહ્યું કે તેની ટીમ જ્યારે જરૂર હતી ત્યારે સારું રમી શકી નથી. તેણે આનો શ્રેય પણ ભારતને આપ્યો અને કહ્યું કે સાચું કહું તો ભારત પણ શાનદાર પ્રદર્શન કર્યું અને તે અમારા કરતા સારી ટીમ હતી, અમે તેમની સામે બરાબરી ન રમી શક્યા. મેક્કુલમે કહ્યું કે તેને આ હારનો અફસોસ છે પરંતુ તેની ટીમે વધુ સારી ક્રિકેટ રમી છે. તેણે કહ્યું કે અમે ભારતને હરાવી શક્યા નથી અને એશિઝ જીતી શક્યા નથી પરંતુ છેલ્લા 18 મહિનામાં અમે વધુ સારી ક્રિકેટ રમી છે અને આગામી 18 મહિનામાં અમને વધુ તક મળશે. અમે અમારી બેઝબોલ સ્ટાઈલમાં રમાવાનું ચાલુ રાખીશું.

‘મને મારી ટીમ પર ગર્વ’

મેક્કુલમે કહ્યું કે તે સીરિઝ હારવાથી નિરાશ છે પરંતુ તેને તેની ટીમ પર ગર્વ છે. તેણે કહ્યું કે તેની ટીમને આખી સીરિઝ દરમિયાન તક મળી અને તેની ટીમે પણ સારું પ્રદર્શન કર્યું. તેણે કહ્યું કે આ સીરિઝમાં સારી સ્પર્ધા જોવા મળી અને ભારતને તેની સારી રમતનો શ્રેય આપવો પડશે. ભારત અને ઈંગ્લેન્ડ વચ્ચે આગામી મેચ 7 માર્ચથી ધર્મશાળામાં શરૂ થશે.