વિશ્વનો સૌથી સફળ બોલાર એટલે જસપ્રીત બુમરાહ. IPLની એલિમિનેટર મેચમાં તેણે પોતાના બોલિંગ પ્રદર્શનથી ફરી એકવાર એ વાત સાબિત કરી દીધી કે બૂમરાહ કોઈ પણ બેટ્સમેનને ગુમરાહ કરી શકે છે. ગુજરાત ટાઇટન્સ સામેની એલિમિનેટર મેચમાં બુમરાહે એક એવો યોર્કર બોલ ફેંક્યો કે વોશિંગ્ટન સુંદર પાસે એ બોલને કેવી રીતે ખાળવો એનો કોઇ જવાબ હતોજ નહીં.
ક્વોલિફાયર-2માં મુંબઈ કન્ફર્મ
મુંબઈ ઈન્ડિયન્સે IPL 2025માં પોતાનું જોરદાર પરફોર્મન્સ દેખાડીને આગળના ક્વોલિફાયર-2 માટે પોતાની જગ્યા નિશ્ચિત કરી લીધી છે. 30 મેના રોજ ન્યુ ચંડીગઢ ખાતે યોજયેલ એલિમિનેટર મેચમાં મુંબઈ ઈન્ડિયન્સે ગુજરાત ટાઇટન્સ સામે 20 રનથી રોમાંચક જીત મેળવી જેમાં ફાસ્ટ બોલર જસપ્રીત બુમરાહે શાનદાર પ્રદર્શન કરીને મુંબઈ માટે ફાઇનલ સુધી જવાનો વધુ એક દરવાજો ખોલી નાખ્યો. આ મેચમાં મુંબઈ ઈન્ડિયન્સે પહેલા બેટિંગ કરીને 20 ઓવરમાં 228 રન બનાવ્યા હતા, આ સ્કોરનો પીછો કરતા ગુજરાત ટાઇટન્સ ટીમ 13.3 ઓવરમાં 151 રન બનાવીને સમેટાઇ ગઈ હતી, આવી સ્થિતિમાં બુમરાહે વોશિંગ્ટન સુંદરની મહત્વપૂર્ણ વિકેટ લઈને મુંબઈને મેચમાં વાપસી કરવા માટે ખાસ ભૂમિકા ભજવી હતી.
બુમરાહના આ યોર્કર બોલનો સુંદર પાસે કોઈ જવાબ નહોતો
આ મેચમાં એક તબક્કે ગુજરાત તરફથી વોશિંગ્ટન સુંદર અને સાઈ સુદર્શને મુંબઈ ઈન્ડિયન્સના બોલરો પર એક દબાણ બનાવી રાખ્યું અને બંને વચ્ચે ત્રીજી વિકેટ માટે 84 રનની મોટી ભાગીદારી ખૂબ જ ઝડપથી બની રહી હતી. આ દરમિયાન, મુંબઈ ઈન્ડિયન્સે ટીમના હુકમના એક્કા સામાન ફાસ્ટ બોલર જસપ્રીત બુમરાહને આ ભાગીદારી તોડવાનું કામ સોંપ્યું. 14મી ઓવરના ચોથા બોલ પર, બુમરાહએ લેગ સ્ટમ્પ પર એવો ફાસ્ટ યોર્કર ફેંકવાનો પ્રયાસ કર્યો, જેના પર સુંદરે બંને પગ ખોલીને ફ્લિક શોટ રમવાની કોશિશ કરી , પરંતુ બૂમરાહનો આ બોલે તે બિલકુલ ચૂકી ગયો.
ઈંગ્લેન્ડ ટીમનું તણાવ વધ્યું
સ્વાભાવિક વાત છે કે IPL 2025માં બુમરાહની બોલિંગ જોઈને ઈંગ્લેન્ડનો તણાવ વધ્યો હશે કેમકે જસપ્રીત બુમરાહ ભારતીય ટીમ સાથે ઈંગ્લેન્ડ પ્રવાસે જવા રવાના થવાનો છે, જ્યાં ટીમ ઈન્ડિયા 20 જૂનથી યજમાન ટીમ સામે પાંચ મેચની ટેસ્ટ શ્રેણી રમશે. હાલના તબક્કે બુમરાહની બોલિંગ જોઈને ખાતરી થાય છે કે તે હાલ તેના જબરદસ્ત ફોર્મ માં પાછો આવી ગયો છે અને આનાથી ટેસ્ટ શ્રેણી પહેલા ઈંગ્લેન્ડ ટીમના બેટ્સમેનોનું તણાવ ચોક્કસથી વધશે
