છેલ્લા કેટલાય સમયથી શ્રીરામ ફાયનાન્સ કંપનીના શેરમાં જોરદાર તેજી જોવા મળી રહી છે.આ શેર સતત તેજી પર ટ્રેડ કરી રહ્યો છે. જેના કારણે આને 3 વર્ષમાં જ રોકાણકારોને પૈસા 3 ગણા કરી આપ્યા છે. તો જાપાનની એક મોટી કંપનીએ આ કંપનીમાં મોટું રોકાણ પણ કર્યુ છે અને આની 20 ટકા ભાગીદારી ખરીદી લીધી છે.
શુક્રવારે બીએસઈ પર શ્રીરામ ફાઈનાન્સના શેરોએ પોતાનો ઓલટાઇમ હાઈ લેવલ હાંસલ કર્યો હતો અને 3.71 ટકા ઉછળી ને 901.70 રૂપિયા પ્રતિ શેર પર ટ્રેડ કરી રહ્યા હતા. આ તેજી તે સમયે જોવા મળી જ્યારે કંપનીના બોર્ડે એક જાપાની બેંકને ભાગીદારી ખરીદવાની મંજૂરી આપી. જાપાની બેંક MUFGએ શ્રીરામ ફાઈનાન્સમાં કુલ 39,618 કરોડ રૂપિયા (લગભગ 4.4 અબજ અમેરિકી ડોલર)નું રોકાણ કર્યું છે, જેના બદલે ફાઈનાન્સ કંપનીમાં તેને 20 ટકાની હિસ્સેદારી મળી છે. બોર્ડે નવા શેર જારી કરવાની પણ મંજૂરી આપી છે.
840.93 રૂપિયા પર શેર જાહેર કરાયા
આ સોદાને ભારતની કોઈ પણ ફાઈનાન્સ કંપનીમાં થયેલું સૌથી મોટું ડાયરેક્ટ રોકાણ માનવામાં આવી રહ્યું છે. એક્સચેન્જ ફાઈલિંગ મુજબ, કંપની 840.93 રૂપિયા પ્રતિ શેરના ભાવે 47.11 કરોડથી વધુ ઇક્વિટી શેર જારી કરશે. આ પ્રિફરેશનલ ઈશ્યૂ પછી, ડાયલ્યુટેડ આધાર પર કંપનીની શેર કેપિટલમાં MUFG બેંકની 20 ટકા ભાગીદારી રહેશે.
શ્રીરામ ફાઈનાન્સના કાર્યકારી ઉપાધ્યક્ષ ઉમેશ રેવણકરે આ સોદાને કંપની માટે એક “નિર્ણાયક ક્ષણ” ગણાવતા કહ્યું કે આ કંપનીના વ્યૂહાત્મક મહત્વ અને લાંબા ગાળાની વિકાસ ક્ષમતાને વધુ મજબૂત બનાવશે. રેવણકરે જણાવ્યું કે મુખ્ય રોકાણક તરીકે MUFGનું પ્રવેશ ભારતના નાણાકીય સેવા ક્ષેત્રમાં વૈશ્વિક વિશ્વાસ અને આ ક્ષેત્રમાં આગેવાન તરીકે અમારી ભૂમિકા વધુ મજબૂત કરે છે.
130 વર્ષ જૂની કંપનીનું ભારતમાં સૌથી મોટું રોકાણ
130 વર્ષ જૂની આ જાપાની બેંક માટે આ ભારતનું અત્યાર સુધીનું સૌથી મોટું રોકાણ છે. મિત્સુબિશી યુએફજે ફાઈનાન્સિયલ ગ્રુપના ગ્રુપ સીઈઓ હિરોનોરી કામેઝાવાએ જણાવ્યું કે બંને કંપનીઓ લાંબા ગાળાની દૃષ્ટિ અને મૂળ મૂલ્યોમાં એકમત છે, જે શ્રીરામ ફાઈનાન્સની વિકાસ મહત્ત્વાકાંક્ષાઓને સમર્થન આપવા અને વ્યાપક આર્થિક વિકાસમાં સહયોગ આપવા માટે MUFGની પ્રતિબદ્ધતા દર્શાવે છે.
3 વર્ષમાં 3 ગણો રિટર્ન
આ સ્ટોકે રોકાણકારોને થોડા જ વર્ષોમાં જબરદસ્ત કમાણી કરાવી છે. છેલ્લા 3 વર્ષમાં આ સ્ટોકમાં 227 ટકાનો વધારો થયો છે, જ્યારે 1 વર્ષમાં તેમાં 57 ટકાની તેજી જોવા મળી છે. માત્ર 3 મહિનામાં જ આ શેર 42 ટકા ઉપર ગયો છે. લાંબા સમયથી આ સ્ટોક સતત 52 સપ્તાહના ઉચ્ચ સ્તર આસપાસ ટ્રેડ થઈ રહ્યો છે. તેનો 52 સપ્તાહનો હાઈ લેવલ 913.50 રૂપિયા છે, જ્યાં તે આજે ઇન્ટ્રાડે દરમિયાન પહોંચ્યો હતો. એક વર્ષનો લો લેવલ 493.35 રૂપિયા પ્રતિ શેર છે. ફાઈનાન્સ કંપનીનું માર્કેટ કેપિટલાઈઝેશન 1,63,528 કરોડ રૂપિયા છે.
આ પણ વાંચોઃ સોનું અચાનક થયુ સસ્તુ જ્યારે ચાંદીમાં તોફાની તેજી..જાણો ગોલ્ડ સિલ્વરના નવા રેટ
