કેનેડામાં ઈમિગ્રેશન બાબતોનું ધ્યાન રાખતો વિભાગ, ઈમિગ્રેશન, રેફ્યુજીસ એન્ડ સિટીઝનશિપ કેનેડા (IRCC) એ તાજેતરમાં એક નવી એક્સપ્રેસ એન્ટ્રી ડ્રોનું આયોજન કર્યું હતું. આ મહિનાનો પહેલો એક્સપ્રેસ એન્ટ્રી ડ્રો છે. આ ડ્રો પ્રોવિન્શિયલ નોમિની પ્રોગ્રામ (PNP) કેટેગરી હેઠળ ઉમેદવારોને આમંત્રિત કરવા માટે યોજવામાં આવે છે.
મીડિાયા રિપોર્ટ મુજબ આ લેટેસ્ટ એક્સપ્રેસ એન્ટ્રી ડ્રોમાં આમંત્રિત ઉમેદવારો પાસે કેનેડા પરમેનન્ટ રેસીડેન્સી (કેનેડા પીઆર) માટે સંપૂર્ણ અરજી સબમિટ કરવા માટે 60 દિવસનો સમય છે. જો સમયમર્યાદા ચૂકી જાય તો અરજી માન્ય રહેશે નહીં. તમને જણાવી દઈએ કે ભારતીયો પણ PNP હેઠળ કેનેડાના કાયમી નિવાસ માટે અરજી કરે છે, તેથી આ અપડેટ તેમના માટે પણ મહત્વપૂર્ણ છે.
લેટેસ્ટ એક્સપ્રેસ એન્ટ્રી ડ્રો પરિણામ
લેટેસ્ટ એક્સપ્રેસ એન્ટ્રી ડ્રો 4 ફેબ્રુઆરીના રોજ યોજાયો હતો. PNP કેટેગરી હેઠળ કુલ 455 ઉમેદવારોને અરજી કરવા માટે આમંત્રિત કરવામાં આવ્યા હતા. આ ડ્રો માટે જરૂરી કોમ્પ્રીહેન્સિવ રેન્કિંગ સ્કોર (CRS) 802 હતો. આ પ્રોગ્રામમાં જાહેર કરાયેલા આમંત્રણોની સંખ્યા 455 છે.
જો એક કરતાં વધુ ઉમેદવારોનો સ્કોર સૌથી ઓછો હોય, તો કટ-ઓફ તેમની એક્સપ્રેસ એન્ટ્રી પ્રોફાઈલ સબમિટ કરવાની તારીખ અને સમય પર આધારિત છે.
એક્સપ્રેસ એન્ટ્રી પ્રોગ્રામ શું છે?
એક્સપ્રેસ એન્ટ્રી પ્રોગ્રામ એક પોઈન્ટ-આધારિત સિસ્ટમ છે જે કુશળ વ્યાવસાયિકોને કેનેડિયન કાયમી રહેઠાણ મેળવવામાં મદદ કરે છે. તે કેનેડિયન ઈમિગ્રેશન માટે સૌથી ઝડપી અને બેસ્ટ ઈમિગ્રેશન રૂટ પૈકીનો એક હોવાનું કહેવાય છે. વ્યક્તિની એક્સપ્રેસ એન્ટ્રી પ્રોફાઈલને અસર કરતા પરિબળોમાં ઉંમર, ભાષા કૌશલ્ય, કાર્ય અનુભવ અને અન્યનો સમાવેશ થાય છે.
એક્સપ્રેસ એન્ટ્રી પ્રોવિન્શિયલ નોમિની પ્રોગ્રામ (PNP) પ્રાંતોને એવા કુશળ કામદારો પસંદ કરવામાં મદદ કરે છે જે આર્થિક અને શ્રમ જરૂરિયાતો પૂરી કરી શકે. ઉદાહરણ તરીકે, કોઈ પ્રાંત ચોક્કસ વ્યવસાયો જેમ કે IT, હેલ્થ કેર અથવા કન્સ્ટ્રક્શન પર ધ્યાન કેન્દ્રિત કરી શકે છે.
એક્સપ્રેસ એન્ટ્રી પ્રોગ્રામ હેઠળ ત્રણ અલગ અલગ પ્રકારના ઈન્વિટેશન છે, જેમ કે
ઈન્વિટેશનનો જનરલ રાઉન્ડ
ઈન્વિટેશનનો પ્રોગ્રામ સ્પેસિફિક રાઉન્ડ
ઈન્વિટેશનનો કેટેગરી બેસ્ડ રાઉન્ડ
જો કોઈને આ ડ્રોમાં આમંત્રણ આપવામાં ન આવે, તો તેમની પ્રોફાઈલ તેમને સબમિટ કર્યાની તારીખથી 12 મહિના સુધી એક્સપ્રેસ એન્ટ્રી પૂલમાં એક્ટિવ રહે છે. તેમને પોતાની અરજી પાછી ખેંચવી ન જોઈએ કારણ કે તેમને આગામી એક્સપ્રેસ એન્ટ્રી ડ્રોમાં અરજી કરવા માટે આમંત્રણ (ITA) મળી શકે છે. હાલમાં, એક્સપ્રેસ એન્ટ્રી પ્રોગ્રામ હેઠળ 80 ટકા કેનેડા પીઆર અરજીઓ 6 મહિનાની અંદર પ્રક્રિયા કરવામાં આવે છે.
Disclaimer: અહીં આપેલી તમામ માહિતી માત્ર જાણકારી માટે છે. સંદેશ ન્યૂઝ તેની પુષ્ટિ કરતું નથી.
