કેનેડાના ટોરેન્ટોમાં આવેલા લોરેન્સ હાઇટ્સ વિસ્તારમાં મંગળવારે રાત્રે ફાયરિંગ થયુ હોવાનું સામે આવ્યું છે. જેમાં એક વ્યક્તિનું મોત થયુ છેજ્યારે 6 લોકો ઇજાગ્રસ્ત થયા છે. સ્થાનિક પોલીસના જણાવ્યા મુજબ ફાયરિંગની આ ઘટના રાત્રે 8.30 કલાકે થઇ હતી.
શું કહે છે પોલીસ ?
પોલીસના જણાવ્યા મુજબ પાંચ ઇજાગ્રસ્તોને હોસ્પિટલ લઇ જવાયા છે. જ્યારે એકનું મોત થયુ છે. ઘટના બાદ પોલીસે રૈની એવન્યુ અને ફ્લેમિંગટન રોડની આસપાસના વિસ્તારને બેરિકેડથી સીલ કરી દીધો છે. ટોરેન્ટો પોલીસે માઇક્રોબ્લોગિંગ સાઇટ એક્સ પર જણાવ્યું કે 1 પુરુષનું મોત થયાની પુષ્ટિ થઇ છે. જ્યારે 5 ઇજાગ્રસ્તોને હોસ્પિટલ લઇ જવાયા છે. તેઓની હાલત સ્થિર છે. કોઇ જીવને જોખમ નથી.
હું દુઃખી છું- મેયર, ટોરેન્ટો
ટોરેન્ટો પૈરામેડિક્સના અનુસાર પીડિતોની ઉંમર 18થી 40 વર્ષની અંદર છે. ટોરેન્ટોની મેયર ઓલિવિયા ચાઉએ સોશિયલ મીડિયા પોસ્ટ પર કહ્યું કે લોરેન્સ હાઇટ્સ વિસ્તારમાં થયેલા ફાયરિંગથી હું વ્યથિત છું. મારુ કાર્યાલય ટોરેન્ટો પોલીસના સંપર્કમાં છે. પોલીસ ઘટના સ્થળે છે અને આ અંગેની વધુ તપાસ કરી રહી છે.
તેઓએ આગળ વધુમાં કહ્યું કે હું ટોરેન્ટો પોલીસ, ફાયર અને પેરામેડિકલ સેવાઓએ વ્યસ્ત અને પડકારભર્યા ઘટના સ્થળ પર ફર્સ્ટ રિસ્પોન્ડ કરવા બદલ ધન્યવાદ આપવા માગુ છું. ટોરેન્ટો પોલીસ જલ્દી અપડેટ આપવાનું કામ કરી રહી છે. પોલીસ શંકાસ્પદની તપાસ કરી રહી છે. જો કે તે અંગે હાલ કોઇ જાણકારી મળી નથી. તપાસ કરવા માટે રાની એવન્યુ અને ફ્લેમિંગટન રોડ પાસે એક કમાન્ડ પોસ્ટ સ્થાપિત કરવામાં આવી છે.
