જેટકો દ્વારા વિદ્યુત સહાયક ભરતીના નવા કોલ લેટરથી ઉમેદવારો મૂંઝવણમાં

જેટકો દ્વારા વિદ્યુત સહાયક ભરતીના મામલે તમામ ઉમેદવારોને નવેસરથી કોલ લેટર મોકલાયા છે. તેમજ કોલ લેટરમાં પોલ ટેસ્ટ મુદ્દે સ્પષ્ટતા નહીં થતા ઉમેદવારો મૂંઝવણમાં છે. પોલ ટેસ્ટમાં ઉમેદવારે થાંભલા પર ચઢી ટોચને સ્પર્શ કરવું પડે છે. તેમાં થાંભલાની ટોચને હાથ કે પગથી સ્પર્શ કરવો તેનો ઉલ્લેખ નથી.

ઉમેદવારોને સ્થળ પર જ સૂચના આપવામાં આવે તેવી સંભાવના છે. તેમજ તમામ ઉમેદવારોને પોલ ટેસ્ટ માટે નવેસરથી કોલ લેટર મોકલાયા છે. કોલ લેટરમાં પોલ ટેસ્ટ મુદ્દે સ્પષ્ટતા નહીં થતા ઉમેદવારો ફરી મૂંઝવણમાં છે. પોલ ટેસ્ટમાં ઉમેદવારે થાંભલા પર ચઢી ટોચને સ્પર્શ કરી પરત ફરવાનું હોય છે જેમાં લેટરમાં ઉમેદવારે થાંભલાની ટોચને હાથથી કે પગથી સ્પર્શ કરવો તેની સ્પષ્ટતા કરવામાં આવી નથી. તેમજ ઉમેદવારોને સ્થળ પર જ સૂચના આપવામાં આવે તેવી સંભાવના છે.

ગુજરાત એનર્જી ટ્રાન્સમિશન કોર્પોરેશ લિ. દ્વારા વિદ્યુત સહાયકની ભરતી પ્રક્રિયા બે તબક્કામાં હાથ ધરવામાં આવેલ હતી. ત્યારે આ પોલ ટેસ્ટ વિવિધ વર્તુળ કચેરીઓ દ્વારા તા. 6.3.2023 થી તા. 13.3.2023 તથા લેખિત પરીક્ષા તા. 9.9.2023 નાં રોજ યોજવામાં આવી હતી. પરીક્ષા બાદ કેટલાક ઉમેદવારો દ્વારા કચેરી ખાતે રજૂઆત કરવામાં આવેલ હતી કે, રાજકોટ, ભરૂચ અને મહેસાણા ઝોન હેઠળની વર્તુળ કચેરીઓ ખાતે લેવામાં આવેલ પોલ ટેસ્ટની પ્રક્રિયામાં જીયુવીએનએલ તેમજ જેટકો દ્વારા બહાર પાડવામાં આવેલ માર્ગદર્શિકા અનુસાર પરીક્ષા લેવામાં આવેલ નથી. જે બાદ તપાસ કમિટી દ્વારા તપાસ કરતા સદર ક્ષતિને ધ્યાનમાં આવેલ હતી. જેથી આ ત્રણ ઝોનના ઉમેદવારોની લાગણીને ધ્યાને લઈને સમગ્ર પરિક્ષા ટુંક સમયમાં ફરીથી લેવાશે.