- મહેમાનો માટે ખાસ જંગલ ફીવર ડ્રેસ કોડ રાખવામાં આવ્યો
- ‘વનતારા’ પ્રોજેક્ટની વિશ્વભરના સેલેબ્સે મુલાકાત લીધી
- સૌ કોઈએ જંગલ ફીવરની મજા માણી
છેલ્લા થોડાં દિવસથી અનંત અંબાણીના પ્રી-વેડિંગમાં વિવિધ સ્ટાર પહોંચ્યા છે. આ દરમિયાન અનંત અંબાણીના સૌથી મહત્વના એવા ‘વનતારા’ પ્રોજેક્ટની વિશ્વભરના સેલેબ્સે મુલાકાત લીધી હતી. આ દરમિયાન મહેમાનોને કોઈપણ પ્રકારની મુશ્કેલી ન પડે એનું અંબાણી પરિવાર તરફથી ખાસ ધ્યાન આપવામાં આવ્યું હતું.
અગાઉ ‘વનતારા’ નો ડ્રોનથી નજારો બતાવવામાં આવ્યો હતો. ત્યારે હવે તમામ આમંત્રિત મહેમાનોએ ‘વનતારા’ ની રૂબરૂ મુલાકાત લીધી હતી. આ દરમિયાન તમામ સ્ટાર સેલિબ્રિટિઓ પણ વનાતારાની વ્યવસ્થા જોઇને પ્રભાવિત થઈ ગયા હતા.
આ વર-કન્યાથી લઈને મહેમાનો સુધી દરેકનો ‘જંગલ ફીવર’ લુક સામે આવ્યો હતો. અનંત અંબાણીએ જંગલ ફીવર ડ્રેસ કોડ માટે ઝાડ અને પક્ષીઓ સાથે મરૂન રંગનો શર્ટ પહેર્યો હતો.ત્રણ દિવસ યોજનારી આ સેરેમનીમાં દેશ-વિદેશના બોલૂવિડ-હોલિવૂડ તેમજ બિઝનેસમેન-સેલેબ્સ મળીને અંદાજે 1 હજાર મહેમાનોને આમંત્રિત કરવામાં આવ્યા છે.
પ્રી-વેડિંગ ઈવેન્ટ દરમિયાન નીતા અંબાણીની સ્વેગી લુક સામે આવી હતી, લીલા ચમકદાર શર્ટ અને ગોલ્ડન ચમકદાર પેન્ટ સાથે બ્લેક સનગ્લાસ પહેરીને નીતા એકદમ અદભૂત દેખાતી હતી.નીતા અંબાણી અને મુકેશ અંબાણીની મોટી વહુ શ્લોકા મહેતા ફ્લોરલ વર્ક ટોપ અને પેન્ટ પહેરેલી જોવા મળી હતી.
આકાશ અંબાણી તેના નાના ભાઈના પ્રી-વેડિંગમાં પક્ષીઓ અને છોડ સાથે છાપેલા કમર કોટમાં જોવા મળ્યો હતો. આ દરમિયાન તે પત્ની શ્લોકા સાથે પોઝ આપતો જોવા મળ્યો હતો. અંબાણી પરિવાર ઉપરાંત જંગલ ફીવરની અસર વિદેશી મહેમાનો અને સેલેબ્સ પર પણ જોવા મળી હતી. મેટાના માલિક માર્ક ઝકરબર્ગ પણ ટાઇગર પ્રિન્ટનો કુર્તો પહેરીને જોવા મળ્યો હતો.
